Спорт – күрэс

// Суруллубуту сэҥээрии

“Дьулурҕан” хаһыакка уонна кини сайтыгар спорт тиэрминнэрин сахалытытыы туһунан суруйуулары ааҕан баран бэйэм санаабын быктарыахпын баҕардым.

Холобур курдук бэриллибит тыллары тылбаастааһыҥҥа мин санаам маннык:

Спорт – күрэс

Спортивная сфера – күрэс эйгэтэ

Спартакиада по национальным видам спорта “Игры Манчаары” – Саха төрүт көрүҥнэригэр “Манчаары оонньуулара”

Спортсмен – күрэсчит? Күрэхтэһээччи диэн баар дии

Гиревой спорт – Болгуону анньыы? Болгуо күрэҕэ

Многоборье – Дэгиттэр? Күрэс

Якутское многоборье – Саха дэгиттэр? Күрэһэ

Северное многоборье – Хотугу дэгиттэр? Күрэс

Пулевая стрельба – Бэргэн ытыы

Организатор – Тэрийээччи

Судья – Дьүүлдьүт?

Волонтер – Үтүө көмөһүт

Волонтерство – Үтүө көмө

Средства массовой информации (СМИ) – Сонуну сырдатар эйгэ

Пресса – Сырдатыы

Журналист – Сырдатааччы

Чэ, маннык курдук. Кылгас быһаарыылар:

Күрэхтэһээччи диэн олоҕурбут тыл баар. Туттуллуон сөп.
Спорт, спортсмен – аан дойду тиэрминэ, ону тоҕо уларытан сахатытабыт?
Болгуо күрэҕэ диэн сөп. Өйдөнөр.
Дэгити ”дэгэт” диэҥҥэ булкуйуохтара, хааһы да саламаат буолуо. Онон, саха төрүт тыла баар, ”дэгиттэр” диэн, ону туттуохха.
Дьүүлдьүт… наһаа олоҥхо тылын курдук. Саҥарарга табыгаһа суох. Дь, дь…Тоҕо судьуйа диэнинэн барбатый? Сырыттын ээ.

Жанна БАРАШКОВА, педагогическай үлэ бэтэрээнэ.