Сүүрээччилэр Манчаары оонньууларыгар сүүмэрдэннилэр

Буолаары турар Манчаары оонньууларыгар чэпчэки атлетикаҕа бастыҥнары сүүмэрдиир Саха сирин чемпионата Нам улууһун киинигэр икки күн устата ыытылынна. Манна 32 улуустан барыта 391 спортсмен күөн көрүстэ. Сүүрүүлэр 2014 сыллаахха Саха сирин норуоттарын VI спортивнай оонньууларыгар анаан тутуллубут «Эҥсиэли» стадиоҥҥа буоллулар.

Хаһан баҕарар буоларыныы, сытыы сырсыылар буоллулар. Ардыгар биэтэккэ тэбис-тэҥҥэ кэлэн, бириэмэлэрин хаттаан көрөн, ким кыайбытын быһаарыы хаста даҕаны буолла. Бэйэлэрин дистанцияларыгар 16 бастыҥ көрдөрүүлээхтэр – Манчаары оонньууларыгар кыттар кыаҕы ыллылар. Онон дьиҥэ, түөрт сылга биирдэ ыытыллар күрэхтэһиигэ тиийэн, Ытык Күөлгэ саҥа тутуллубут стадион сүүрэр суолугар бастыҥ бириэмэни көрдөрөргө дьулуһаллар. Оттон кимҥэ эрэ Намнааҕы күрэхтэһиигэ сыала-соруга сүүмэрдээһини эрэ ааһыы буолуон сөп. Онон Манчаары оонньууларыгар тыҥааһыннаах сүүрүүлэри көрүөхпүт. Тыҥааһын хаһан баҕарар баар, чопчу бу киһи хайаан даҕаны бастыа дииртэн киһи туттунар.

Санатан эттэххэ, Тааттаҕа, күрэс төрүт көрүҥнэригэр Манчаары XXII оонньууларыгар – 100 м (кыргыттар, уолаттар, дьахталлар, эр дьон), 5000 м (дьахталлар, эр дьон, бэтэрээннэр), 3000 м (кыргыттар), 5000 м (уолаттар) уонна 10000 м дистанцияҕа (дьахталлар, эр дьон) күрэс былдьаһыахтара. Торум быһыытынан, сүүрүүлэр саҥа тутуллан үлэҕэ киллэриллибит «Ньургун Боотур» стадиоҥҥа от ыйын 9-10 күннэригэр буолуохтара.

Намҥа буолан ааспыт чемпионат көрдөрүүлэрэ:     

10000 м, дьахталлар

1.Наталья Леонтьева (Сунтаар) – 36.19,04

2.Надежда Бут (Таатта-1) – 36.43,85

3.Татьяна Артемьева (Дьокуускай) – 37.54,33.

10000 м, эр дьон

1.Константин Драгунов (Мэҥэ Хаҥалас) – 31.32,72

2.Дьулустаан Елисеев (Чурапчы) – 31.54,45

3.Роман Алексеев (Таатта) – 32.11, 67.

3000 м, кыргыттар

1.Диана Егорова (Уус Алдан) – 11.42,49

2.Любовь Николаева (Амма) – 11.45,19

3.Алиса Гуляева (Дьокуускай) – 11.48,56.

5000 м, уолаттар

1.Богдан Луценко (Дьокуускай) – 16.35,14

2.Дмитрий Большошапов (Нам) – 16.50,37

3.Айтал Григорьев (Чурапчы) – 17.01,81.

5000 м, дьахталлар

1.Наталья Леонтьева (Сунтаар) – 17.39,01

2.Надежда Бут (Таатта-1) – 18.01,26

3.Оксана Федорова (Нерюнгри) – 18.03,72.

5000 м, эр дьон

1.Константин Драгунов (Мэҥэ Хаҥалас) – 15.05,84

2.Айтал Ощепков (Нам) – 15.06,41

3.Дьулустаан Елисеев (Чурапчы) – 15.12,57.

5000 м, бэтэрээн-дьахталлар

1.Саргылаана Лугинова (Өлүөхүмэ) – 18.52,34

2.Анастасия Охотина (Дьокуускай) – 19.17,83

3.Ольга Артемьева (Муома) – 19.49,06.

5000 м, бэтэрээн-эр дьон

1.Александр Моедо (Өлүөхүмэ) – 15.56,36

2.Роман Щетников (Нерюнгри) – 16.04,04

3.Василий Лукин (Чурапчы) – 16.25,64.

100 м, дьахталлар

1.Мария Рухлядева (Уус Алдан) – 12,70

2.Валерия Олесова (Хаҥалас) – 12,81

3.Яна Бережецкая (Уус Майа) – 12,89.

100 м, эр дьон

1.Айаал Иванов (Ньурба) – 10,80

2.Валентин Иванов (Таатта) – 11,00

3.Михаил Руфов (Үөһээ Бүлүү) – 11,04.

100 м, кыргыттар

1.Василиса Ракова (Ньурба) – 12,12

2.Кристина Халимуллина (Мирнэй) – 12,44

3.Сайаана Брызгалова (Дьокуускай) – 12,9202.

100 м, уолаттар

1.Владимир Жарин (Дьокуускай) – 11,34

2.Всеволод Никитин (Мэҥэ Хаҥалас) – 11,51

3.Иван Бессонов (Ньурба) – 11,52.

Күрэс көрүҥнэрин таптааччылар, чуолаан сүүрүүлэри сэҥээрээччилэр бу бэриллэр бириэмэлэри бэлиэтэнэ сылдьыҥ. Итиэннэ Манчаары оонньууларын бириэмэлэрин кытта тэҥнээн, ырытан көрүөхпүт. Күрэсчиттэрбит төһө сайдан, эбэн, күүһүрэн бэйэлэрин сыалларын-соруктарын ситиһэллэрин.

«Дьулурҕан».