Самбоҕа күрэхтэһии ыытылынна

Ыам ыйын 17 күнүгэр Мохсоҕоллоох орто оскуолатыгар дзюдо уонна самбо секцията саҕаламмыта 25 сылыгар аналлаах өрөспүүбүлүкэ таһымнаах күрэхтэһии тэрилиннэ. Турнирга барыта 9 хамаанда кэлбит, ол иһигэр 90 спортсмен кытынна. Күрэхтэһии алын сүһүөх кылааска үөрэнэр уолаттарга ыытылынна.

Бастыырга баҕа улахан, бу көрүҥүнэн оҕолор сөбүлээн дьарыктаналлар, эрчиллэллэр. Күрэхтэһиигэ көрдөххө, ким ордук сатабыллаах, кыахтаах, албастары чуолкайдык уонна элбэх бырахсыылаах хамсаныылары оҥорор спортсменнар ситиһиилэннилэр. Мохсоҕоллоох орто оскуолатыгар самбо уонна дзюдо көрүҥнэрин эрчийэн саҕалаабыт Саха Өрөспүүбүлүкэтин үтүөлээх тириэньэрэ Николай Лоднев бу күн иитиллээччилэрин махталын, эҕэрдэ эгэлгэтин иһиттэ.

Кырачаан самбистарга маннык күрэхтэһиилэр олус наадалар. Хаҥалас улууһун «Хотой» илиҥҥи күөн көрсүү Покровскайдааҕы киинин, Олимпийскай солбук анал өрөспүүбүлүкэтээҕи спортивнай оскуолатын иһинэн үлэлиир бу оскуолаттан дзюдо, самбо, джиу-джитсу көрүҥнэригэр уонна хуреш тустууга Саха сирин, Россия, Европа кубогар, Аан дойду күрэхтэһиилэрин кыайыылаахтара уонна призердара Татьяна Мисайлова, Маша Лоднева, Георгий Чивадзе онтон да атын биллэр спортменнар иитиллэн тахсыбыттар.

Уйбаан УЙГУУРАП.

Ааптар хаартыскаҕа түһэриитэ.