Сахалар Али Алиев түһүлгэтигэр ситиһиилэрэ

Аан дойду түөрт төгүллээх чемпиона Али Алиев аатынан бирииһи ылар иһин аналлаах бастакы күрэхтэһии РСФСР «Урожай» обществотын тэрийиитинэн 1967 сыллаахха Дагестанскай АССР киин куоратыгар Махачкалаҕа ыытыллыбыта. Онно сүрүннээн дойду тыа сирин спортсменнара кыттыбыттара.

Саха сириттэн аҕыс тустуук күүһүн холоспута. Түмүккэ Константин Леонтьев 57 киилэҕэ бастакы миэстэни ылбыта. Бу ыйааһыҥҥа Иван Соловьев иккис буолбута. Ити курдук орто ыйааһыҥҥа Анатолий Афанасьев иккис, чэпчэки аҥардаахха Владимир Андросов үһүс миэстэлэри ылбыттара.

1970 сылтан Али Алиев аатынан күрэхтэһии норуоттар икки ардыларынааҕы таһымнаммыта. Ол быһыытынан ааспыт үйэ 90-с сылларыгар диэри сүрүннээн эдэрдэргэ, оттон ол кэнниттэн улахан дьоҥҥо ыытыллан кэллэ. Билигин бу, тустуутунан аатырбыт Дагестаҥҥа ыытыллар күрэхтэһии – Россия эрэ буолбакка, аан дойду биир күүстээх састааптаах күрэхтэһиитинэн ааҕыллар.

Бу күҥҥэ диэри саха тустууга кыһатын иитиллээччилэрэ Али Алиев аатынан түһүлгэттэн – 3 кыһыл көмүс, 6 үрүҥ көмүс, 12 боруонса мэтээли ылары ситистилэр.

Алиев турнирыттан мэтээллээхтэр:

1967 – Константин Леонтьев (57 кг) – 1-кы, Иван Соловьев (57 кг) – 2-с, Анатолий Афанасьев – 2-с, Владимир Андросов 3-с миэстэ.

1971 – Вячеслав Карпов (57 кг) – 1-кы миэстэ

1977 – Анатолий Константинов (62 кг) – 2-с миэстэ, Алексей Стручков (48 кг) – 3-с миэстэ

1995 – Павел Капитонов (54 кг) – 3-с миэстэ

1997 – Матвей Матвеев (58 кг) – 1-кы миэстэ

1999 – Валерий Кульбертинов (50 кг) – 3-с, Александр Контоев (54 кг) – 3-с миэстэ

2003 – Герман Контоев (55 кг) – 3-с миэстэ

2004 – Леонид Спиридонов (66 кг) – 3-с миэстэ

2006 – Николай Старостин (55 кг) – 3-с миэстэ

2007 – Николай Старостин (55 кг) – 2-с миэстэ

2011 – Тимур Пестерев (60 кг) – 3-с миэстэ

2019 – Виктор Рассадин (65 кг) – 2-с миэстэ

2021 – Эдуард Григорьев (61 кг) – 2-с, Виктор Рассадин (70 кг) – 3-с миэстэ

2025 – Петр Копылов (57 кг) – 3-с, Никита Хабаров (125 кг) – 3-с миэстэ.

PS: бу сыыппараларга-чахчыларга туох эмэ чуолкайдааһыннаах, эбэтэр эбиилээх буоллаххытына, биһиэхэ биллэрэргитигэр көрдөһөбүт.

Петр ПАВЛОВ.