Спорду өйүүр-өйдүүр дьоммутугар махтал!

1-Хомустаах нэһилиэгэр улууспут араас сылларга хайыһарынан дьарыктаммыт уонна өрөспүүбүлүкэ, улуус кыайыылаахтарын бирииһигэр хайыһарга аһаҕас күрэхтэһии буолан ааста.

Барыта 80 кыттааччы (кыргыттар/дьахталлар, уолаттар/эр дьоннор – 6-тан 60-тан тахса саастарыгар диэри) кытынна. Ол курдук, өрөспүүбүлүкэбит араас улуустарыттан: Дьокуускай куорат, Нам, Горнай, Уус-Алдан, Мэҥэ-Хаҥалас, Хаҥалас, Хатас, Муома оройуоннарыттан кытыннылар.

Күрэхтэһии үөрүүлээх арыллыыта Спорт дьиэтигэр нэһилиэк баһылыга В.Г. Жирков, Нам улууһун спордун управлениетын начаалынньыга П.Г. Иванов, күрэхтэһии сүрүн судьуйата Е.Н. Ядреева тыл этиилэриттэн саҕаланна.

Элбэх оҕо кэлбитэ киһини үөрдэр. Күрэҕи биһиги улууспут спордун бэтэрээннэрэ: Александр Новгородов, Семен Эверстов, Иван Охлопков, Людмила Ефимова сүүрэннэр өссө киэргэттилэр. Эдэр көлүөнэҕэ билигин да чэгиэн сылдьалларынан холобур буоллулар. Көрө ыалдьа кэлбит хайыһар спордун бэтэрээннэрэ Виктор Рожин, Семен Чичигинаров, Гаврил Жирков, Семен Охлопков тыҥааһыннаах күрэхтэһииттэн, хайыһарга туруохтарын баҕардылар.

Бэтэрээннэри чиэстээһин, спонсордарга Махтал сурук туттарыы, кыайыылаахтары наҕараадалааһын сылаас, ыраас “Алгыс” норуот айымньыытын киинигэр буолла.

Күрэхтэһиибит бэтэрээн хайыһардьыттары, сүүрэ сылдьар спортсменнары кытта улууспутугар хайыһар спордун сайыннарыы туһунан “төгүрүк остуолунан” түмүктэннэ. Кыттыбыт дьон бары үөрэн-көтөн тарҕастылар.

Махтал тыллары этиэхпит этэ биһиги 1-Хомустаах спордун дьиэтин үлэһиттэрэ былааммыт олоххо киирэригэр көмөлөспүт, өйөбүл буолбут дьоммутугар:

Нэһилиэк баһылыгар В.Г. Жирковка, секретардаан көмөлөспүт коллективпыт үлэһиттэригэр В.А. Оконешниковаҕа, Е.Н. Николаеваҕа, В.В. Ушаковка, мүнүүтэҕэ турбут М.А. Максимовка, М.В. Даниловка, күрэхпит сүрүн судьуйатыгар Е.Н. Ядрееваҕа, А.В. Орлов салайааччылаах МАУ уолаттарыгар, А.Г. Мылаханова салайааччылаах “Алгыс” н.а.к. коллективыгар, суол оҥорорго буранын уларсыбыт Н.Р. Марковка, “төгүрүк остуолга” ас бэлэмнээбит О.В. Сивцеваҕа, мэтээлинэн, грамотанан өйөбүл буолбут спорт управлениетыгар (Павел Гаврильевичка уонна Сергей Анатольевичка).

Уонна саамай улахан Махталбыт хайыһар спордун бэтэрээннэригэр, күрэхтэһии спонсордарыгар: Александр Дмитриевич Новгородовка, Екатерина Николаевна Ядрееваҕа, Мария Васильевна Прокопьеваҕа, Эверстов Семён Ивановичка, Охлопков Петр Александровичка, Рожин Виктор Герасимовичка, Рожин Вячеслав Викторовичка, Ефимова Людмила Ивановнаҕа, Жирков Василий Гаврильевичка, Федоров Денис Денисовичка, Охлопков Афанасий Егоровичка, Николаева Антонина Дмитриевнаҕа, Гаврил Гаврильевич Жирковка, Дягилев Дмитрий Афанасьевичка, Чичигинарова Куннэй Семёновнаҕа, Шелковникова Клавдия Михайловнаҕа, ⁠Игнатьева Татьяна Геннадьевнаҕа, Эверстов Юрий Афанасьевичка, Охлопков Семён Михайловичка, Николаев Юрий Александровичка, Заболоцкай Вячеслав Николаевичка, Данилов Михаил Васильевичка, Эверстов Харыйа Ивановичка.

Бу спорду өйүүр-өйдүүр, улууспутугар сайдарын туһугар кыһаллан көмөлөстүлэр. Инникитин Улууспут спордун управлениета хайыһар тренерин эбии көрөргө үлэлэһиэ диэн, үөрэх управлениета уһуйааннарга, оскуолаҕа хайыһар спордун күүскэ өйүүрүгэр, маассабай көрүҥ буоларыгар үлэ ыытыа диэн эрэнэбит!

Юрий НИКОЛАЕВ, 1-Хомустаах спорт дьиэтин инструктора.