Оноҕостор куһуурдулар

Муус устар 5 күнүгэр Чөркөөххө Октябрьскай нэһилиэк баһылыгын бирииһигэр “Бастыҥ оноҕос” улуустааҕы төрүт оҕунан ытыыга күрэхтэһии бэрт сэргэхтик, биир тэтиминэн буолла. Улуус бастыҥ охчуттарын муста.

Күрэхтэһии уратытынан буолла, аҥардас Тааттаҕа эрэ олорор дьоҥҥо буолбакка, Тааттаттан төрүттээх атын сиргэ олорор охчуттар эмиэ кыттар кыахтаахтара. Иккис уратыта А, В, С категоряларга араарыллан ыытылынна. Ол эбэтэр, А кат. МС, КМС, 1 сп. р., 2 сп. р спортсменнар, В кат. 3 сп.р. уонна разряда суохтар, С кат. бэтэрээннэр 45-тэн үөһээ дьахталларга, 50-тэн үөһээ саастаах эр дьоҥҥо.

Күрэхтэһии сүрүнэ, Байанай бэлэҕэ төрүт оҕунан ытыы быраабылатынан барда. Куобах, Кус, Тииҥ көрүҥнэригэр. Түмүк маннык буолла:

А кат. дьахталларга: 1 м. Макарова Ньургуяна, МС РС(Я), Харбалаах; 2 м. Чупрова Ульяна, Ытык Күөл; 3 м. Прохорова Лена, Ытык Күөл.

А кат. эр дьоҥҥо: 1 м. Моттуев Прокопий, МС РС(Я), Даайа Аммата; 2 м. Тистяхов Виктор, Ытык Күөл; 3 м. Ноенохов Егор, Ытык Күөл.

В кат., дьахталларга: 1 м. Борисова Елена, Чөркөөх; 2 м. Аммосова Мира, Чөркөөх; 3 м. Кычкина Лилия, Чычымах.

В кат. эр дьоҥҥо: 1 м. Егоров Алексей, Чөркөөх; 2 м. Полускин Егор, Ытык Күөл; 3 м. Решетников Прокопий, Чөркөөх.

С кат. дьахталларга: 1 м. Егасова Светлана, КМС РС(Я), Ытык Күөл; 2 м. Филиппова Валентина, Якутск; 3 м. Васильева Марфа, КМС РС(Я), Чымнаайы.

С кат. эр дьоҥҥо: 1 м. Васильев Леонид, МС Сахаада, Ытык Күөл; 2 м. Каратаев Валерий, Харбалаах; 3 м. Дедюкин Симон, Ытык Күөл.

Сүрүн ытыылар кэннэ 4 хамаандаҕа аттаран туруоран күрэхтэһии салҕанна. Манна Вырдылин Гаврил, Макарова Ньургуяна, Васильев Леонид, Рахлеева Валентина, Кычкина Лилия, Полускин Егор састааптаах хамаанда кыайан, 12 т. солк. Чөркөөх охчуттарын түмсүүтэ туруорбут Дьоккуускайга баар «Бэргэн» маҕаһыын сертификатын туттулар.

Муҥутуур кыайыылааҕы быһаарар Октыбрьскай нэһилиэк баһылыгын бирииһигэр күрэхтэһиигэ ким баҕалаах киирэн 23 м. Куобах, Кус, Тииҥ ытта уонна көһө сылдьар кубогын Полускин Егор бастыҥ ытыынан кыайыыны ситистэ.

Бу тэрээһиммитигэр барҕа махталбын тириэрдиэм этэ Октябрьскай нэһилиэк администрациятыгар, чуолаан баһылык Андрей Петрович Семеновка, Улуус оҕунан ытыы федерациятыгар (Ноенохов Е.Е.), кылаабынай тренербитигэр Павлова Г.Л., Чөркөөх култуурнай киинигэр Прохоров М.М., П.А. Ойуунускай аат. Чөркөөх орто оскуолатыгар судействоҕа күүс-көмө буолбут оҕолорбутугар.

Ураты махталбын биллэриэм этэ спонсордарбар: «Бастыҥ» спорт маҕаһыын ИП С.Николаев ЫК, Медфарм аптечнай пункт ИП Дорофеева Т.М., ИП Егасова С.И., 1000 мелочей маҕаһыын ИП Мурунов А.А., “Бэргэн” маҕаһыын Якутск ИП Макаров М.А., Чөркөөхтөөҕү историко мемориальнай түмэл, П.А. Ойуунускай Саха государственноһын түмэлэ Чөркөөх, Чөркөөхтөөҕү участковай балыыһа.

Сергей ДОРОФЕЕВ, общ. тренер.