“Дьулурҕан” куонкурсун кыайыылааҕа Данил Данилов

Көҥүл тустууга Европа чемпионатыгар сыһыаннаах «Дьулурҕан» билгэлээһин-куонкурсун кыайыылааҕынан Данил Данилов буолла.

Куонкурус ыйытыга: ыйааһын ахсын финалистары (сөптөөх хоруй иһин 1-дии очукуо), чемпионнары (2-лии) уонна бэйэбит бөҕөспүт Арыйаан Тютрин хаһыс миэстэни ыларын (3) сылыктааһын этэ. Онуоха киирбит хоруйдары ырытан, ааҕан көрүүнэн Данил Данилов 33 очукуону хомуйда. Оттон Валериан Петров, Вадим Петров, Андрей Александров 32-лии очукуону ыллылар.

Данил, ыйааһыннарынан кимнээх бастыахтарай, диэн ыйытыыга Начын Монгуһу, Заур Угуевы, Давид Баевы, Ахмед Усмановы, Магомед Рамазановы, Даурен Куруглиевы, Гиви Мачарашвлины, Георгий Мешвелдишвилины суруйан – 16, сүүрбэ финалистан – 14 уонна Тютрин үһүс буолуо диэн – 3 очкону ылла.

Манна сыһыары тутан эттэххэ, Валериан Петров, Мила, Евгений Д, Вадим Петров, Андрей Александров уонна Владислав 8-тыы чемпиону сөпкө таайбыттар. Бу үчүгэй көрдөрүү. Оттон биир дойдулаахпыт Арыйаан Тютрин боруонса мэтээли ыларын – Данил Даниловы тэҥэ, Степан уонна Николай Алексеев уот харахха эппиттэр.

Данил Даниловы эҕэрдэлиибит, кини биһиги куонкурспутугар маҥнайгытын бастыыр. Ол иһин, бирииһин туттарар кэммитигэр билсиэхпит уонн хаһан баҕарар буоларыныы, кыайыылааҕы кытта кылгас сэһэргэьии буолуоҕа.

Эрдэ эппиппит курдук, кыайыылаахха Израил Тотоонти “100 лет вольной борьбы» диэн сэдэх ыйынньык-кинигэтэ анал бириис быһыытынан туттарыллыаҕа.

«Дьулурҕан».