“Дьулурҕан” куонкурса: барыллааһын түмүк

Көҥүл тустууга Европа чемпионатыгар анаан тэрийбит билгэлээһин-куонкуруспут түмүктэннэ. Бары кыттыбыт дьоҥҥо махтал! Куонкурус ыйытыга, ыйааһын ахсын финалистары (сөптөөх хоруй иһин 1-дии очукуо), чемпионнары (2-лии) уонна бэйэбит бөҕөспүт Арыйаан Тютрин хаһыс миэстэни ыларын (3) сылыктааһын этэ.

Онуоха киирбит хоруйдары ырытан, ааҕан көрүүнэн Данил Данилов 33 очукуону хомуйда. Оттон Валериан Петров, Вадим Петров, Андрей Александров 32-лии очукуону ыллылар.

Биһиги куонкуруспут син биир улахан политическай быыбар курдук, барыта быраабыла быһыытынан сиэрдээхтик быһаарыллыахтаах. Мөккүөр суох буолуохтаах. Ол аата, куоластары хаттаан ырытан ааҕыы оҥоһуллуохтаах. Билиҥҥи, бастакы ааҕыынан Данил Данилов куонкуруска инники таҕыста.

Салгыы ааҕыы маннык буолла: Владислав – 31, Мила – 30, Вадим, Иван Рожин – 29, Евгений Д., Валерий Ефремов, Николай Алексеев – 28-тыы, Семен Оготоев – 27, Владислав, Сэргэй Лукин – 26-лыы, Степан – 25, Василий, Айсен, Иван Иванов – 22-лии, Егор Бурцев, Федора Захарова – 20-лии, Степан Иванов – 18.

Аны билигин хас биирдии кыттааччы бэйэтин очукуотун ааҕан көрөн баран, бу түмүккэ сөбүлэһэрин дуу, сөбүлэспитин дуу бигэргэтиэхтээх. Кыайыылаах сарсын быһаарыллыа. Эрэннэрбиппит курдук, киниэхэ бириис туттарыллыа.

«Дьулурҕан».