Афанасий Заболоцкай күрэхтэһиитигэр…

Муус устар 4-5 күннэригэр Бороҕоҥҥо – Н.Н. Тарскай аатынан Спорт дыбарыаһыгар көҥүл тустууга норуоттар икки ардыларынааҕы кылаастаах спорт маастара, Саха сирин икки төгүллээх чемпиона (1998, 2000), алта төгүллээх призёра, “Нациялар кубоктара” диэн аан дойду хамаанданан күрэхтэһиитин кыайыылааҕа (1998); хапсаҕайга спорт маастара, Саха Республикатын чемпиона (1995), Саха сирин норуоттарын спортивнай оонньууларын кыайыылааҕа; Уус Алдан улууһун, Байаҕантай нэһилиэгин бочуоттаах гражданина Афанасий Иванович Заболоцкай бирииһигэр 2010-2011 сс. төрөөбүт кыргыттарга уонна уолаттарга көҥүл тустууга республикатааҕы аһаҕас 21-с күрэхтэһии ыытылынна.

Бу түһүлгэ нэһилиэктэн, салгыы улуустан саҕалаан, билигин республика оҕолорго биир улахан таһымнаах күрэхтэһиитэ буола үүннэ. Элбэх саҥа ааттар таҕыстылар. Өссө, бу күрэхтэһии биир уратыта диэн, дэлэй бириистээҕэ буолар. Бириистэр сыл аайы тупсарыллан, киэркэйэн иһэллэр.

Күрэхтэһиини оҕо спордун республикатааҕы тэрилтэтэ уонна Уус Алдан улууһун дьаһалтата үүннээн-тэһииннээн ыыттылар.

Быйылгы республикатааҕы түһүлгэҕэ Уус Алдан, Чурапчы, Мэҥэ Хаҥалас, Амма, Үөһээ Бүлүү, Бүлүү, Сунтаар, Нам, Дьокуускай, Кэбээйи, Абый, Нерюнгри, Хатас, УОР, Ньурба хамаандаларыттан барыта 186 кыттааччы, ол иһигэр 25 кыыс, 161 уол көбүөргэ күөн көрүстэ.

Күрэхтэһии кыайыылаахтара:

Кыргыттарга: 33 кг – Сайнаара Максимова (Нам), 39 кг – Анджелина Мандарова (Сунтаар), 46 кг – Варя Егорова (Дьокуускай, ДЮСШ-3), 50 кг – Рия Сельтюкова, 54 кг – Кристина Васильева, 62 кг – Айыына Барашкова (үһүөн Нам).

Уолаттарга: 38 кг – Ян Львов (Бүлүү), 41 кг – Дьулустан Сидоров (Чурапчы), 44 кг – Андрей Макеев (Уус Алдан), 48 кг – Савелий Стручков (Уус Алдан), 52 кг – Уйусхан Васильев (Чурапчы), 57 кг – Владимир Слепцов (Чурапчы), 62 кг – Владислав Михайлов (ОЭУ), 68 кг – Роман Постников (Дьокуускай, ДЮСШ-3), 75 кг – Эрчим Чириков, 85 кг – Андрей Николаев (Мэҥэ Хаҥалас), 100 кг – Иван Тихонов (ОЭУ).

Бары кыайыылаахтар уонна иккис-үһүс буолбуттар харчынан бириистэри туттулар.

Анал бириистэр:

Афанасий Иванович Заболоцкай дьиэ кэргэнин сүрүн бирииһин – 20 тыһ. солк. харчынан бирииһи түһүлгэ кыайыылаахтара бары тахсан сэрэбиэй тардыыларыгар дьол Роман Постниковка (Дьокуускай) тигистэ, оттон кини тренеригэр Николай Яковлевка 10 тыһ. солк. туттарылынна.

«Бастыҥ бөҕөс» – Савелий Стручков (Уус Алдан) уонна Варя Егорова (Дьокуускай), «Бастыҥ албаһын иһин» – Филипп Леонтьев (Уус Алдан), «Кыайыыга дьулуурун иһин» – Владимир Слепцов (Чурапчы), «Бастыҥ судьуйа» – Никита Ушницкай.

Ону таһынан хамаандалар бастыҥ кыттааччыларыгар уонна күрэхтэһии сүрүн судьуйатыгар, комментаторга эбии анал бириистэр туттарылыннылар. Барыта сүүрбэччэ бириис туттарыллан, кэлбит хамаандалар бары илии тутуурдаах, өттүк харалаах бардылар.

Спонсордарга махтал!

РСЦП (А.Н. Андреев); Уус Алданнааҕы СШОР (дириэктэр И.С. Ноговицын); Уус Алдан спорка управлениета (начаалынньык Е.П. Алексеев); Байаҕантай нэһилиэгэ (баһылык С.И. Егоров); улуустааҕы ДЮСШ (дириэктэр М.А. Слепцов); А.И. Заболоцкай дьиэ кэргэнэ, бииргэ төрөөбүттэрэ, бииргэ үөрэммиттэрэ; «Строительнай» рынок (И.И. Данилов); дьиэ кэргэнинэн доҕотторо: Массаевтар, Ефимовтар, Пестряковтар, Шишигиннар, Новгородовтар, Кузьминнар, Даниловтар, Филипповтар; «Стройинвест» тэрилтэ (дириэктэр М.А. Сосин); «Демидов» хампаанньа (салайааччы Ю.И. Борисов); «Полюс» маҕаһыын (В.В. Заболоцкай); В.Н. Скиба, Анисимовтар дьиэ кэргэттэрэ; Уус Алдан депутаттарын бэрэссэдээтэлэ И.И. Аммосов; ИП М.В. Гуляев.

“Дьулурҕан”.