Спордунан дьарыктанарбын сөбүлүүбүн

Мин “Уолан” гимназияҕа үөрэнэбин. Гимназиябыт быйыл 30 сылын бэлиэтээри сылдьар. Бу сыллар тухары ыччат бөҕө үөрэххэ, спорка сыстан, патриотическай иитиигэ итииллэн, ийэ сиргэ бэриниилээх дьон буола улааттаҕа. Гимназияҕа уолаттар эрэ үөрэнэр буоланнар, эр дьон күүстээх санаатынан, тулуурга, дьулуурга үөрэнэбит.

Урукку өбүгэлэрбит бэйэлэрин кыанар дьон этилэр. Ол бириэмэҕэ куруһуок диэн суоҕа, ыарахан үлэ, айылҕаны кытары алтыһан, сүүрэн-көтөн, күрэхтэһэн сылдьыбыттара. Билиҥҥи бириэмэ оҕото араас спортивнай секцияҕа сылдьан, спорка тардыллар.

Аныгы үйэҕэ оҕолоро наһаа телефоҥҥа олороллор, араас гаджетка наһаа элбэхтик оонньууллар, ол иһин билигин оҕолор кружокка сылдьаллара олох аҕыйах. Өбүгэлэрбититтэн Дыгын уонна Манчаары оонньуулара хаалбыттара – эдэр ыччаты спорка тардар.

Дьэ онно урукку сахаларбыт оонньуулара бааллар: мас тардыһыыта, таас көтөҕүүтэ, хапсаҕай, сүүрүү, ох сааннан ытыы уонна да элбэх. Оттон билигин онно эрдэттэн бэлэмнэнэр курдук оскуолаҕа физкультура уруога баар, толору эттэххэ физическая культура, ол аата, эккин-сииҥҥин сайыннарар. Бу оскуолаҕа физкультура учууталларынан Ньургун Петрович, Жирков Иннокентий Васильевич үлэлии сылдьаллар. Кинилэр үөрэтиилэринэн араас спортивнай куруһуоктарга сылдьабын: пионербол, баскетбол, хайыһар, теннис курдук спорт көрүҥнэригэр сөбүлээн дьарыктанабын. Спордунан дьарыктанарбын сөбүлүүбүн. Быйылгыттан теннис кружогар дьаныардаахтык дьарыктанан син ситиһиилэрдээхпин.

Спорт киһи этин-сиинин сайыннарар, доруобуйаҕын тупсарар диэн санааҕа кэллим.

Павел ПАВЛОВ, Мүрүтээҕи “Уолан” гимназия алтыс Б кылааһын үөрэнээччитэ.

Уус Алдан.