Хапсыһыылар саҕаланнылар

«Өрөгөй» Спорка бэлэмнэнии киинигэр Мюнхеннааҕы-1972 Олимпийскай оонньуу чемпиона, ССРС спордун үтүөлээх маастара уонна үтүөлээх тренерэ Роман Михайлович Дмитриев кэриэһигэр спортивнай тустууга 21-гэр диэри саастаах кыргыттарга уонна уолаттарга норуоттар икки ардыларынааҕы XI турнир саҕаланна. Хапсыһыылар үс көбүөрүнэн ыытыллаллар.

Бастакы күн уолаттар тусталлар. Кинилэр барыта 167-лэр. Турнирга Беларусь, Кытай, Казахстан, Кыргызстан, Монголия, Узбекистан уонна Россия (Бурятия, Ингушетия, Кемерово, Красноярскай, Крым, Татарстан, Тыва, Хабаровскай, Чувашия уонна Саха сирэ) эдэр бөҕөстөрө күөн көрсөллөр.

Бугун уолаттарга барыллааһын уонна финалга тахсар иһин киирсиилэр буолуохтара. Бары ыйааһыннарга финалистар ааттара биллиэҕэ. Оттон финалга тахсыбыттар сарсын ким кыайарын быһаарсыахтара. Кыргыттар тустуулара эмиэ сарсын ыытыллыа.

Р.М. Дмитриев кэриэһигэр спортивнай тустууга норуоттар икки ардыларынааҕы турнир кулун тутар 8-9 күннэригэр сарсыарда 10:00 чаастан “Өрөгөй” Спорка бэлэмнэнии киинигэр саҕаланар. Киириитэ – босхо. Финалга тахсар иһин тустуулары уонна быһаарыылаах хапсыһыылары “Саха” национальнай көрдөрөр-иһитиннэрэр хампаанньа “күөх экраҥҥа” көрдөрөр.

«Дьулур5ан».