Саахымат күрэхтэһиитэ буолан ааста

И.М. Яковлев аатынан Покровскай 1 №-дээх орто оскуолатыгар Кыайыы 80 сылыгар аналлаах саахымакка оскуола иһинэн I турнир буолан ааста.

Күрэхтэһии оскуолабыт выпускнига, билигин улуус  депутата, урбаанньыт, биллэр общественник Юрий Дмитриевич Яковлев олохтообут бирииһигэр  тэрилиннэ.

Күрэхтэһиигэ 1-11 кылаастартан, барыта 78 саахыматчыт күөн көрсөн, бэйэлэрин дьоҕурдарын, сатабылларын көрдөрдүлэр.

Сытыы киирсиилэр кэннилэриттэн  түмүк  маннык буолла:
Алын кылаастарга (1-4 кылаастар): 1 миэстэ – 4 “в” кылаас, 2 миэстэ – 4 “а” кылаас, 3 миэстэ – 2 “б” кылаас.
Орто сүһүэххэ  (5-7 кылаастар): 1 миэстэ – 7 “а” кылаас, 2 миэстэ – 6 “а” кылаас, 3 миэстэ – 6 “б” кылаас.
Улахаттарга (8-11 кылаастар): 1 миэстэ – 10 “б” кылаас, 2 миэстэ – 10 “а” кылаас, 3 миэстэ – 11 “б” кылаас.

Тэрийэр комитекка, Юрий Дмитриевичка интэриэһинэй турнир иһин махталбытын тиэрдэбит. Бу  маннык умсугутуулаах, мындыр, өй, толкуй үлэтин сайыннарар саахымат күрэхтэһиитэ элбэх оҕону мунньубута олус кэрэхсэбиллээх. Оскуолабыт дириэктэрэ Спиридон Спиридонович Шишигин этэринэн, бу саахымат күрэҕэ үгэскэ кубулуйан сыл аайы ыытыллыаҕа.

Кыайыы өрөгөйүн билбит, бириистээх миэстэлэргэ тиксибит оҕолору эҕэрдэлиибит! Бары кыттыбыт эдэр спортменнарга  үөрэххэ уонна спорка саҥа ситиһиилэри баҕарабыт!

Кира ВИНОКУРОВА, И.М. Яковлев аатынан Покровскай 1 №-дээх орто оскуолатын 8 «б» кылааһын үөрэнээччитэ, суруналыыһа.