Бүлүү эдэр спортсменнарын ситиһиилэрэ

Быйыл, 2025  сылга үктэнэн баран Бүлүү оҕо спортивнай оскуолатын иитиллээччилэрэ улахан күрэхтэһиилэргэ ситиһиилээхтик кыттан, үчүгэйдик саҕалаатыбыт.

Хабаровскай куоракка

Сүүрүүгэ ДВФО бастыыр иһин күрэхтэһиигэ 16-тан 18-гар диэри саастаах кыргыттарга уонна уолаттарга Хабаровскай куоракка күрэхтэһии буолан ааста.

Уопсайа 9 хамаандаттан 315 спортсмен күөн көрүстэ. Сахабыт сирин хамаандатын чилиэннэрэ 38 мэтээли илдьэ кэллилэр. Ол курдук, 11 – кыһыл көмүс, 10 – үрүҥ көмүс, 17 – боруонса мэтээли. Хамаанданан 16-гар диэри саастаахтарга иккис миэстэ буолары ситистилэр. Хамаанда бэрэстэбиитэллэрэ Гуляев С.В. уонна Сотникова Н.Д. Бүлүү оҕо спортивнай оскуолатыттан 4 оҕо кыттыыны ыллылар: Данилов Владислав, Григорьева Марина, Васильев Александр, Маслов Юрий.
Үрдэлгэ таҕыстылар: үрүн көмүс мэдээлгэ – Данилов Владислав, 60 м барьердаах сүүрүүгэ; 4х200 м эстафетнай сүүрүүгэ боруонса мэтээлгэ – Данилов Владислав уонна Васильев Александр тиксэн үөртүлэр.

Дьокуускай куоракка
Республикаҕа бастыыр иһин кыһыҥҥы сүүрүүгэ ситиһиилээхтик кытынныбыт. Күрэхтэһиигэ 16-18 саастаах кыргыттар, уолаттар кытыннылар. Уопсайа 9 хамаанда, 300–чэкэ спортсмен кыттыылаах буолла.
18-гар диэри үрдэлгэ таҕыстылар:
Данилов Владислав – 1 миэстэ 60 м барьердаах сүүрүүгэ.
Васильев Александр – 2 миэстэ 60 м уонна 3 миэстэ 200 м.
Софронов Святослав – 3 миэстэ ядро быраҕыытыгар.
Ионова Наина – 3 миэстэ 800 м.
Ону таһынан үчүгэй түмүктээх сүүрдүлэр: Маслов Юра – 200 м, Саввинов Федор – 800 м,
Егорова Диана, Григорьева Марина – 400 м уонна 60 м барьердаах сүүрүүгэ 4-с миэстэ буоллулар.
Тюмень куоракка

Тохсунньу 28-30 күннэригэр Тюмень куоракка 18–гар диэри саастаах оҕолорго Россияҕа бастыыр иһин сүүрүү күрэхтэһиитэ буолла.

Барыта 60 куораттартан 600 спортсмен кытта кэлбит. Бүлүү улууһуттан Данилов Владислав баран ситиһиилээхтик кыттан кэллэ. Кини 60 м барьердаах уонна 400 м сүүрүүгэ бэйэтин бастыҥ түмүктэрин оҥордо. Тэрийээччилэргэ, судьуйаларга күрэхтэһиини үрдүк ситимҥэ ыытыы иһин тренерин Рожина Туяра Ивановнаны кытта махтаналлар! Инникитин да үрдүктэн үрдүк ситиһиилэри.

Наина ИОНОВА, И.Л. Кондаков аатынан Бүлүүтээҕи гимназия 9-с кылааһын үөрэнээччитэ.