Андрей Васильев теннисчиттэри түмтэ

Бэрдьигэстээххэ, Афанасий Парфенов аатынан СК буулдьанан ытыыга ССРС спордун маастара, көҥүл тустуу, самбо, остуол тенниһэ о.д.а. спорт көрүҥнэрин өрө тутан кэлбит, үлэ, ИДьМ бэтэрээнэ Андрей Васильев 70 сааһыгар аналлаах остуол тенниһигэр бэтэрээннэргэ аһаҕас күрэхтэһии арылынна.

Бу күн буруйдааҕын улуус, Бэрдьигэстээх нэһилиэгин салалтата, чугас дьоно, доҕотторо, остуол тенниһин өрөспүүбүлүкэтээҕи салалатата эҕэрдэлээтилэр, үтүө тылларын анаатылар.

Андрей Васильев улуус сайдыытыгар киллэрбит кылаатын сыаналаан туран улуус үрдүк наҕараадаларын үөрүүлээх-быһыы майгы ортотугар туттардылар.

Күрэхтэһиигэ 12 хамаанада, 78 тенисис кытынна.

Улууспут биир киэн туттар спортсмена, спорт бэтэрээнэ Андрей Васильев бирииһигэр өрөспүүбүлүкэтээҕи күрэхтэһии бастыҥнара:

Кэрэ аҥардарга: 1. Евдокия Другина (Үөһээ Дьааҥы), 2. Александра Тутаева (Дьокуускай), 3. Елизавета Матвеева (Нам).

40-59 диэри саастаахтарга: 1. Семен Павлов (Таатта), 2. Михаил Алексеев (Дьокуускай), 3. Иван Решетников (Дьокуускай).

60-69 саастаахтарга: 1. Александр Оконешников (Чурапчы), 2. Аркадий Иванов (Дьокуускай), 3. Еремей Куприянов (Мэҥэ Хаҥалас).

70 үөһээ саастаахтарга: 1. Виктор Иванов (Нам), 2. Радомир Сидоров (Горнай), 3. Василий Данилов (Дьокуускай).

Андрей Васильев дьиэ кэргэнэ, остуол тенниһин улуустааҕы федерацията, тэрилтэлэр кыайыылаахтарга сыаналаах бириистэри туттаран үөртүлэр.

Спортсменнар бары бэртээхэй оонньууну көрдөрдүлэр. Үчүгэй бэлэмнээх кэлэннэр, спорт бырааһынньыгын бэлэхтээбиттэригэр махталбытын биллэрэбит.

Вячеслав АЛЕКСЕЕВ.

Горнай, Бэрдьигэстээх.