Ярыгин кубога-2025: Ким кими кытта хайдах?

Тустууга ханнык баҕарар улахан күрэхтэһии кэнниттэн “Дьулурҕан” урукку үгэһин тутуһан, маннык ааттаах ырытыы-суруйуубутун салгыыбыт. Ол курдук, буолан ааспыт улахан таһымнаах түһүлгэҕэ уолаттарбыт кимнээҕи кытта хайдах тустубуттарын сыыппаранан-чахчынан көрдөрөбүт. Бу сыыппаралартан хас биирдии киһи бэйэтэ ырытыы, түмүк оҥостуон сөп.

Красноярскай көбүөрүттэн түөрт мэтээл кэлбитэ үчүгэй. Ол гынан баран, ситиһиллибиттэн уоскуйан, дуоһуйан хаалбат инниттэн куруук бэйэбитигэр ирдэбил туруоруохтаахпыт. Оччоҕо эрэ сайдыыга тиийиэхпит.

Икки финалга тахсыбыт уолаттарбыт Лев Павлов уонна Константин Капрынов үчүгэй тустуулары көрдөрдүлэр. Ол эрэн, бастакы миэстэни ылбатахтара кыһыылаах. Лев хотон иһэн, кыһыл көмүһү мүччү тутта, оттон Капрынов тэҥ киирсиигэ (3:3), быраабыла быһыытынан хотторуулааҕынан ааҕылынна. Бу тустуулары специалистар үчүгэйдик ырыталлара эрэйиллэр. Финалга тустуу бэйэтэ психологическай өттүнэн уратылааҕын билэбит. Ону үчүгэйдик үөрэтэн, сыыһаны-халтыны көннөрүнэр, ити моһолу төлө көтүү эрэйиллэр.

Александр Авелов эмиэ Константин Капрынов курдук, бу турнирга арыллан туһунна. Бу бөҕөстөр ситиһиилээх кыттыыларын куоһура – бастатан туран, кимтэн да толлубат, кимээһиннээх, байыастыы характердара буолар диэтэххэ сыыстарбаппыт буолуо.

Айаал Белолюбскай уонна Федор Постников тустууларын судьуйалааһыҥҥа, мин көрдөхпүнэ, ыйытыылар бааллар. Постников баал ылыыта бириэмэҕэ хапсар этэ. Итинник түгэннэргэ бэйэбит уолаттарбытын туруулаһыахха баара. Ол да буоллар, кинилэр уонна 57 киилэҕэ кыттыбыт атын уолаттар тустуулара киһини астыннарбат. Утарсааччылара оннук улахан ааттаах-суоллаах тустууктар буолбатах этилэр. Онон кинилэр бэйэлэрин кыахтарын ситэ туһамматылар диибин. Бу иннинэ наар 61 кг тустар Яков Павлов уонна Артём Слепцов ыйааһыннарын түһэринэн кыттыылара табыллыбата.

Виктор Яковлев уонна Петр Константинов бэйэлэрин үчүгэй таһымнарыгар киирбэккэ сылдьаллара бу да күрэхтэһиигэ көһүннэ.

Атыттар ким хайдах бэлэмнээҕинэн кытыннылар. Ярыгин турнира хамаанда иннигэр – биир сүрүн күрэхтэһии. Ол түмүгүнэн үс уолбут Россия сүүмэрдэммит хамаандатын састаабыгар киирдэ. Кинилэр салгыы сыаллаан-соруктаан дьарыктанан, дойду хамаандатыттан биир эмэ улахан таһымнаах күрэхтэһиигэ кытталлара, бэйэлэрин көрдөрөллөрө буоллар. Аныгыскы улахан маннык тургутуу – Россия чемпионатыгар буолуоҕа. Онно дьэ, састаап өссө күүстээх буолара сэрэйиллэр.

Түмүктээн эттэххэ, тренерскэй састаап Красноярскайдааҕы кыттыыны, научнай бөлөҕү кытта анаан үчүгэйдик ырыталлара буоллар диэххэ. Сүрүн болҕомтону техника уонна тактика өттүгэр ууруохха. Тахсыбыт сыыһалары-халтылары ыйан, инникитин ону таһаарбат гына дьаһаныахха. Холобур, улахан эрэйинэн утарсааччыны атахтаҕыттан ылан баран, биир баалы ылар инниттэн көбүөр таһыгар үтэн таһаарбакка – астаах соҕустук барыҕыыга үөрэтии…

Дьэ, бу барыта тренердэр айымньылаах үлэлэриттэн, туһааннаах салалта хонтуруолуттан тутулуктаах.

Бөҕөстөрбүт тустуулара:    

57 кг Лев Павлов – Рамазан Абдурахимов (С-Петербург) 3:2

57 кг Лев Павлов – Абубакар Муталиев (Дагестан) 6:4

57 кг Лев Павлов – Артур Чебодаев (Красноярскай) 6:3

57 кг Лев Павлов – Начын Монгуш (Тыва) 5:7.

57 кг Айаал Белолюбскай – Рамазан Абдурахимов (С-Петербург) 8:9

57 кг Яков Павлов – Рустам Жильясов (Оренбург) 2:3

57 кг Артём Слепцов – Кежик Седен (Тыва) 6:7

57 кг Любомир Ашеин – Ахмед Хумидов (Красноярскай) 5:6

57 кг Федор Постников – Магомед Абдурахманов (С-Петербург) 1:3

61 кг Петр Константинов – Магомед Себединов (Брянскай) 5:3

61 кг Петр Константинов – Чермен Тавитов (Москва) 0:3

61 кг Виктор Яковлев – Эрдем Борогшонов (Бурятия) 6:1

61 кг Виктор Яковлев – Баир Баяндуев (Бурятия) 1:4

61 кг Ньургун Терентьев – Рамиз Гамзатов (Дагестан) быьа кыайыы

61 кг Ньургун Терентьев – Куат Амиртаев (Казахстан) 9:4

61 кг Ньургун Терентьев – Муслим Мехтиханов (Дагестан) 2:12

61 кг Ньургун Терентьев – Анзор Мажидов (Дагестан) 0:5

61 кг Александр Авелов – Халид Магомедов (Дагестан) 13:3

61 кг Александр Авелов – Ахмед Зубайров (Пермь) 12:7

61 кг Александр Авелов – Кежик Монгуш (Иркутскай) 12:8

61 кг Александр Авелов – Заур Угуев (Дагестан) 0:5

61 кг Александр Авелов – Имам Умаров (Дагестан) 9:7

61 кг Эдуард Попов – Кежик Монгуш (Иркутскай) 10:12

65 кг Юлиан Григорьев – Эрдем Шарастепанов (Бурятия) 0:5

65 кг Василий Григорьев – Чаян Монгуш (Иркутскай) 0:10

70 кг Олег Фомин – Магомед Исубхаджиев (Дагестан) 14:7

70 кг Олег Фомин – Сайын Казырык (Тыва) 3:9

70 кг Албан Аввакумов – Сандан Гармаев (Бурятия) 8:0

70 кг Албан Аввакумов – Гаджи Гаджиев (Дагестан) 2:12

70 кг Айсен Потапов – Рахат Уулу (Кыргызстан) 7:2

70 кг Айсен Потапов – Гаджи Гаджиев (Дагестан) +3:3

70 кг Айсен Потапов – Алан Кудзоев (Хотугу Осетия) 4:1, туше

70 кг Айсен Потапов – Константин Капрынов (иккиэн Саха сирэ) 2:5

70 кг Айсен Потапов – Курбан Шираев (Дагестан) 0:5

70 кг Константин Капрынов – Алихан Исаев (С-Петербург) 10:0

70 кг Константин Капрынов – Хасрат Тинаев (Красноярск) 4:1, туше

70 кг Константин Капрынов – Курбан Шираев (Дагестан) 9:6

70 кг Константин Капрынов – Айсен Потапов (иккиэн Саха сирэ) 5:2

70 кг Константин Капрынов – Давид Баев (Хотугу Осетия) 3:3+

74 кг Николай Сивцев – Егор Акулич (Беларусь) 4:3

74 кг Николай Сивцев – Рамазан Мурадов (Дагестан) 0:9

74 кг Станислав Свинобоев – Адилет Акылбеков (Кыргызстан) 11:4

74 кг Станислав Свинобоев – Имам Ганишов (Дагестан) 0:6.

79 кг Анатолий Никитин – Азрет Улимбашев (Красноярскай) +5:5

79 кг Анатолий Никитин – Никита Сучков (Красноярскай) 1:6

92 кг Ньургун Сергин – Артур Бекоев (Хотугу Осетия) 2:4

97 кг Максим Толмачев – Али Алиев (Дагестан) 2:3

125 кг Никита Хабаров – Гамзат Алижудинов (Дагестан) 0:3.

PS: Александр Авелов – Кежик Монгуш, Лев Павлов – Абубакар Муталиев, Лев Павлов – Артур Чебодаев, Константин Капрынов – Курбан Шираев, Севиль Назарова – Татьяна Новик, Лев Павлов – Начын Монгуш, Александр Авелов – Имам Умаров, Константин Капрынов – Давид Баев о.д.а. комментарийдаах хапсыһыыларын «Дьулурҕан» ютуб каналыгар https://www.youtube.com/@Dzulurgan/videos киирэн көрүөххүтүн сөп.

Петр ПАВЛОВ.