Дмитрий Винокуров сырдык кэриэһигэр

Г.И. Чиряев аатынан Бүлүүтээҕи бастакы нүөмэрдээх оскуолаҕа, улуус оскуолаларын үөрэнээччилэригэр иккис сылын баскетбол күрэҕэ ыытылынна. Бу күрэхтэһии оскуолабыт 2021 сыл выпускнигар, анал байыаннай дьайыы кыттыылааҕа Дмитрий Винокуров сырдык кэриэһигэр ананар.

Дмитрий оскуолаҕа үөрэнэ сылдьан баскетболга утумнаахтык дьарыктанар буолан – оскуолабыт, улууспут чиэһин өрөспүүбүлүкэҕэ элбэхтик көмүскээбитэ. Кини “Бастыҥ оонньооччу” уонна “Бастыҥ кимээччи” диэн анал ааттар кыайыылааҕа этэ. 2023 сыл бэс ыйын 4 күнүгэр анал байыаннай дьайыыга кытта сылдьан, тэҥэ суох киирсиигэ Запорожскай уобаласка сырдык тыына быстыбыта. Россия Президениттэн “Эр санааланыы” уордьанынан наҕараадаламмыта.

Диманы чиэстээн тэриллибит баскетбол күрэҕэр 7 оскуолаттан тэринэн кэлэн күөн көрүстүлэр. Ол курдук, Кыргыдай, Дьөккөн, Бороҕон, Бүлүүтээҕи гимназия, 1, 2, 3 нүөмэрдээх орто оскуолалар. Күрэхтэһии кылаабынай судьуйатынан Кононов Д.Л. уола, Г.И. Чиряев аатынан оскуола физкултуураҕа учуутала үлэлээтэ.

Икки күннээх күрэхтэһии түмүгүнэн 1 миэстэни – Бүлүүтээҕи гимназия (сертификат 30 тыһ.), 2 м – Г.И. Чиряев аатынан 1№-дээх оскуола (25 тыһ.), 3 м – Г.С. Донской аатынан 2 №-ээх оскуолатын спортсменнара ыллылар (20 тыһ.).

“Бастыҥ оонньооччу” Михайлова Динара, Кириллин Павел (гимназия), “Бастыҥ кимээччи” – Павлова Виолетта, Саввинов Миша (ВСОШ 1), «Бастыҥ көмүскээччи” – Гоголева Надежда, Татаринов Алексей (ВСОШ 2), “Инникилээх оонньооччу” – Федорова Ксения (гимназия), Бенецкэй Леня (ВСОШ1), Яковлев Максим (ВСОШ1), «Бастыҥ тренер” – Семенов К.К. (гимназия) анал ааты ыллылар. Бастыҥнары чиэстииргэ, үрдүккэ угуйарга  биһиги спонсордарбыт элбэх харчынан көмө оҥордулар.

Бу олус суолталаах күрэхтэһии буоларын, спортсмен оҕолор бары бэлиэтииллэр, кыайыылаах буолуу улахан чиэс. Билиҥҥи кэм геройа Дима Винокуров үтүө аатын  дьаныардаах үөрэххэ, успуорка оҕолор, ыччаттар киэн тутта, холобур оҥосто сылдьыахтара. Бу улахан күрэҕи үрдүк таһымнаахтык тэрийэн ыыттылар: оскуола коллектива (дир. Степанова В.С.), кылаас салайааччыта Федорова М.И., тэрийэр хамыыһыйа.

Тэрээһин сүрүн спонсордарыгар уонна партнердарыгар – Дима төрөппүттэригэр, аймахтарыгар, ДЮСШ коллективыгар, дириэктэр Осипов Г.Д., Ис дьыала отделыгар (Михайлов Ф.П.), Бүлүү куоратын уонна улууһун спорткомитеттарыгар, Бүлүү уонна Үөһээ Бүлүү байыаннай комиссариатыгар (Ефремов А.В.), Бүлүү улууһун бойобуой кыргыһыылар бэтэрээннэрин сэбиэтигэр, Бүлүү улууһун социальнай уонна эдэр ыччат политикатыгар (Федорова Е.Н.), Бүлүүтээҕи педагогическай профессиональнай колледжка (дир. Алексеев И.И.), Бүлүү улууһун бойобуой кыргыһыылар бэтэрээннэрин сэбиэтигэр, Бүлүүтээҕи Росгвардия коллективыгар (Константинов А.Н.), Үгүлээт нэһилиэгин дьаһалтатыгар (Лукин О.И.), Бүлүү куоратын уонна улууһун спорткомитеттарыгар, «Табун» атыы-эргиэн киинигэр (Иванов И. И.), ИП Николаев Ф. Н., ИП Майорова В.Д., СХПК «Сыа Бүлүү» (Кондратьев А.А.), оскуолабыт төрөппүттэрин кэмитиэтигэр, 11 «а», «б» 2021 с. выпуск кылаас төрөппүттэригэр, үөрэнээччилэригэр, Н.В., А.С. Поповтар дьиэ кэргэнигэр, Дима тренеригэр Гоголев Д.Д., 1№ оскуола коллективыгар (дир. Степанова В.С.), «Эгэлгэ» маҕаһыын (Николаев Ф.Н.), “Дарина» ювелирнай маҕаһыын (Матвеева Е.С.), Бүлүү улууһун “Движение первых”тэрилтэтигэр, ПО “Илгэ” (Алексеева О.Л.), “УПС” тутуу хампаанньатыгар (Буслаев А.И.), ИП (Сутурин А.А.), Бүлүү куоратын баскетболга хамаандатын чилиэннэр, ИП (Михайлов А.А.), Светофор супермаркетыгар улахан махтал.

Акулина ПРОТОПОПОВА, 11-с кылаас үөрэнээччитэ, “Ориентир” медиа-киин эдэр кэрэспэдьиэнэ, Г.И. Чиряев аатынан Бүлүү 1 №-дээх орто оскуолата.

Захар Ботусов, Василий Артемьев хаартыскаҕа түһэриилэрэ.