Улахан дьону дьарыктыыр тренер штата тоҕо көрүллүбэтий?

// Ааҕааччы санаата

Кыра оҕолорго көҥүл тустуу күрэхтэһиитигэр элбэх оҕо кыттар, саастара улаатан истэхтэрин аайы кыттааччы ахсаана аҕыйаан иһэр, улахан дьоҥҥо тиийдэхтэринэ, тарбахха эрэ баттанар тустууктар хаалаллар.

Билигин ДЮСШ-ларга нэһилиэктэри киллэрэн туран, тренер бөҕөтө үлэлиир, бары оҕо тренердэрэ. Тоҕо улуустарга, нэһилиэктэргэ улахан дьоннору дьарыктыыр тренер штата көрүллүбэтий? Билигин улуустарга көҥүл тустууга улахан дьон дьарыктамматтар, ол иһин улахаттарга күрэхтэһии буолла да, хапсаҕайга эрэ ыыталлар. Ити аатырбыт тустууктарбыт (бары улахан ситиһиилэрин көҥүл тустууга ситиспит тустууктар) бириистэрин хапсаҕайга ыыталлар. Бу тустууктарбыт бары ССРС спордун маастардара, сорохтор мсмк маастардара, хапсаҕайга тустубатах дьоннор, Владимир Андросовтан уратылара.

Өскө, бу тустууктар бэйэлэрин ааттарынан күрэхтэһиилэрин көҥүл тустууга ыыталлара буоллар, кыттааччыта олох аҕыйах буолуо этэ, бирииһэ да ол сиэринэн буолуо этэ. Көҥүл тустууга хапсаҕайга курдук спонсордар суохтар.

Эһиги туох дии саныыгыт?

Лука Яковлев.