Тулуналар үһүс бириистээх миэстэҕэ таҕыстылар
Алтынньы 15 күнүттэн – сэтинньи 15 күнүгэр диэри “Лига Здоровая Нация” тэрийэр “Человек идущий” сыһыарыы көмөтүнэн ыытыллар “Чемпионат России по фоновой ходьбе” күрэхтэһиитигэр Тулунаттан үс хамаанда кытынна.
“Тулуна идущая”, “Татыйык”, “ЗОЖ Тулуна”. “Тулуна идущая” алта киһилээх хамаанда: Троева Раиса капитан, Бысыина Людмила, Бысыин Федот, Васильев Василий, Петухова Анна, Терентьева Матрена – 174 хамаандаттан Россияҕа үһүс бириистээх миэстэ, “Татыйык” – 7-с миэстэ буоллулар.
Кинилэр ахсынньы 19 күнүгэр Дьокуускай куоракка сылы түмүктүр спорт тэрээһиҥҥэ киирэн кыттыыны ыллылар. “Лиги здоровья нации”, “Человек идущий”, “10000 шагов к жизни” бырайыактар салайааччылара Антюхов Даниил Викторович кэлэн наҕараадалары туттарда.
Бары кыттыбыт, наҕараадаламмыт нэһилиэкпит спортсменнарын эҕэрдэлиибит! Өссө да үрдүк ситиһиилэри баҕарабыт!
Мариса Васильева.
Уус Алдан, Тулуна.