Роман Дмитриев Сахааччаҕа бэлэҕэ
Бүгүн мин убайым Николай Семенович Захаров, норуокка таптал аатынан Сахаачча төрөөбүт күнэ. Онно сөп түбэһиннэрэн, кини аатыгар сүгүрүйээччилэргэ биир сэдэх хаартысканы билиһиннэрэбин.
Сахаттан бастакы олимпийскай чемпион Роман Дмитриев Сахаачча биир бастыҥ доҕоро этэ. Кинилэр суруйсар, бэйэ-бэйэлэрин суругунан, хаартысканан эҕэрдэлэһэр этилэр. Ол туоһута бу биир хаартыска:
Дьоммор Матрена Николаевнаҕа уонна Семен Ивановичка!
Мин табаарыһым Сахаачча оҥоруохтаах «баһырхай быраҕыытын» мин оҥордум. Олимпийскай кыһыл көмүс – сахаларга!
Уолгут Рома. 27.11.1972 Амга.
Бу хаартысканы Роман Михайлович 1972 сыллаахха Мюнхеннааҕы Олимпийскай оонньууларга бастаан баран суруйан ыыппыта. Хаартыска Аммаҕа, Н.С. Захаров – Сахаачча аатынан түмэлгэ харалла сытар.
Анна НОВГОРОДОВА, Сахаачча бииргэ төрөөбүт балта.