Чемпион-тренер дьарыга

Сэтинньи 23-24 күннэригэр Амма улууһар Олоҥхо дэкээдэтин чэрчитинэн «Олоҥхо дойдута» оҕону сайыннарар түһүлгэ үлэлээтэ.

Икки күн устата биир дойдулаахпыт, мас тардыһыыга Саха Өрөспүүбүлүкүтэтин спордун маастара, Дыгын оонньуутун үрүҥ көмүс мэтээлин хаһаайына Борис Сдвижков кэлэн оҕолорго маастар кылаас биэрдэ.

Борис Сергеевич тутум эргийии албастарын, ох саа араас буоларын уонна хайдах таба туттарга, ытарга үөрэттэ. Маны таһынан хабылыкка, хаамыскаҕа, кырыымпаҕа, уруһуйга араас элбэх дьарыктар буоллулар.

Чемпион-тренер дьарыгар сылдьан астынным, долгуйдум уонна элбэҕи биллим. Бу маннык тэрээһиннэр оҕо эт-хаан, өй-санаа өттүнэн сайдарыгар элбэҕи биэрэллэр.

Григорий Неустроев, академик Л.В.Киренскэй аатынан Амматааҕы лицей үөрэнээччитэ.

Антон Шилов хаартыскаҕа түһэриилэрэ.