Бу субуотаҕа – тустуу!

Сэтинньи 22-23 күннэригэр М.К. Аммосов аатынан Хотугулуу Илиҥҥи федеральнай университет Тустууга саалатыгар СГУ бастакы профессор-маастардара: А.И. Иванов, Н.А. Гоголев, Н.К. Алексеев, П.П. Гаврильев, И.И. Портнягин сырдык ааттарыгар 24-гэр (2002-2007 сс. төрөөбүттэр) диэри саастаахтарга көҥүл тустууга республикатааҕы күрэхтэһии ыытыллар.

Күрэхтэһии субуотаҕа буолар. Тустуу уон ыйааһыҥҥа ыытыллар – 57, 61, 65, 70, 74, 79, 86, 92, 97, 125 кг. Киириитэ босхо.

Күрэхтэһии программата

Сэтинньи 22 күнэ, бээтинсэ

14:00-16:00 Мандатнай хамыыһыйа үлэтэ

16:00-17:00 Судьуйалар хамаандалар бэрэстэбиитэллэрин кытта сүбэ мунньахтара

18:00-18:30 Бары ыйааһыннарга сэрэбиэй.

Сэтинньи 23 күнэ, субуота

08:00-08:30 Тустууктар ыйааһыннаныылара

10:30-14:00 Барыллааһын хапсыһыылар

12:00-12:30 Күрэхтэһиини үөрүүлээхтик аһыы

18:00-19:00 Быһаарыылаах киирсиилэр, кыайыылаахтары наҕараадалааһын.

Түһүлгэ кэмигэр көҥүл тустууга ССРС, хапсаҕайга Саха АССР спортарын маастара, Саха сирин үтүөлээх тренерэ, педагогическай наука кандидата Николай Николаевич Рожины 75 сааһын туолбутунан чиэстээһин тэриллэр.

“Дьулурҕан”.