Устудьуоннарга үрдүкү ситиһиилэри, дьулууру уонна тулууру!

Алтынньы 17 күнэ – Роман Михайлович Дмитриев аатынан Олимпийскай резерва училищетын бастакы кууруһун устуодьуоннарыгар суолталаах күн буолла.

Үөрүүлээх быһыыга-майгыга үөрэх чааһыгар дириэктэри солбуйааччы Петр Юрьевич Протодьяконов устудьуон оҕолорго студенческай билиэттэри кытта зачетнай книжкаларын туттартаата.

УОР-га үс сыллах икки исписийээлинэс баар: Спорт, “Тренер по виду спорта” уонна Физическая культура, “Педагог по физической культуре”. Икки үөрэххэ бу сылга уопсайа 38 олохпор успуорт суолтата улахан диэбит баҕалаах оҕолор туттарсан киирдилэр.

Бу бэлиэ күн оҕолор үөрэхпитигэр бэриниилээх, эппиэтинэстээх сыһыаннаах, үтүө дьон буолуохпут диэн андаҕар тылларын эттилэр.

Саҥа киирбит устудьуоннарга үрдүкү ситиһиилэри, дьулууру уонна тулууру! Сахабыт сирин аатын ааттатыахтара диэн бигэ эрэллээхпит!

Анжелина Жданова, ХИФУ устудьуона.