Улуу тренергэ сүгүрүйүү

ССРС, РСФСР, Саха АССР үтүөлээх тренерэ, Саха сирин үтүөлээх учуутала Дмитрий Петрович Коркин аатынан көҥүл тустууга норуоттар икки ардыларынааҕы турнир чэрчитинэн бүгүн Тустуу саалатын таһыгар баар өйдөбүнньүгүн иннигэр үөрүүлээх миитин, сибэкки дьөрбөтүн ууруу сиэрэ-туома буолла.

Бэлиэ түгэҥҥэ Саха Республикатын Правительствотын председателин солбуйааччы Сергей Местников, олимпийскай чемпион Павел Пинигин, турнир кылаабынай судьуйата Алексей Базулин кыттан, бэйэлэрин эҕэрдэлэрин тиэртилэр.

Тэрээһиҥҥэ СР физическэй култуураҕа уонна спорка министрин бастакы солбуйааччы Гаврил Мохначевскай, олимпийскай призер Александр Иванов, спорт үтүөлээх маастара Василий Гоголев, СР Спорка бэлэмнэнии киинин дириэктэрэ Михаил Пахомов, Олимпийскай эрэл училищетын дириэктэрэ Семен Чердонов, куорат олохтоохторо уонна ыалдьыттара, спорт общественноһа, училище үөрэнээччилэрэ кытыннылар.

Санатан эттэххэ, алтынньы 19-20 күннэригэр “Өрөгөй” Спорка бэлэмнэнии киинигэр Д.П. Коркин кэриэһигэр турнир ыытыллар.

Петр Павлов.

Ааптар хаартыскаҕа түһэрииитэ.