“Дьулурҕан” конкурса. Ким төһө-хачча очколанна?

Эрдэ иһитиннэрбиппит быһыытынан, XXXIII Олимпийскай оонньуу көҥүл тустууга күрэхтэһиитигэр анаан “Дьулурҕан” конкурс биллэрбитэ. Бу сырыыга конкурс кыттыылаахтарын көрдөһүүлэринэн, ким төһө-хачча очкону ылбытын билиһиннэрэбит.

Санатан эттэххэ, конкурска 31 киһи кыттыбыта. Кинилэргэ барыларыгар барҕа махтал! Конкурсаннар кэккэлэригэр Василий Алексеев, Андрей Александров, Айсен Молуков, Федора Захарова, Михаил Максимов, Иван Рожин, Валерий Ефремов курдук, “Дьулурҕан” араас сылларга конкурстарын кыайыылаахтара бааллара. Онон састаап күүстээх буолан, таайыы тыҥааһыннаах буолара эрдэттэн күүтүллүбүтэ.

Конкурс ыйытыылара маннык этилэр:

-Ыйааһын ахсын финалистары барыларын ааттааҥ (сөптөөх хоруй ахсын 1-дии баал).

-Ыйааһыннарынан кыайыылаахтарынан кимнээх буолуохтарай? (сөптөөх хоруй иһин 2-лии баал).

-Тустууга хамаанданан үс бастакы миэстэни ханнык дойдулар ылыахтарай? (1-дии баал).

Онуоха бүтэһиктээх ааҕыы кэнниттэн кыайыылаахтарынан Анастасия Алексеева, Герман Шкулев, Николай Иванов, Егор Бурцев буоллулар. Кинилэр бары 14-түү очкону хомуйдулар. Конкурс кыайыылаахтарын эҕэрдэлиибит! Кыайыылаахтарга анал бириистэр туттарыллыахтара.

Билигин кылгастык хоруйдары ырытыахха. Василий Алексеев 57, 97, 125 кг, Анастасия Алексеева 65, 97, 125 кг, Ирина 57, 65, 97 кг ыйааһыннар финалистарын сөпкө таайбыттар. Конкурска үһүс киһинэн бэйэтин сылыктааһынын ыыппыт Константин Трофимов чемпионнары эрэ ааттаталаабыт. Итиэннэ 6-тан 4 чемпиону таайбыт! Атын икки ыйытыыга хоруйдарын ыыппатах.

Надежда Алексеева 57, 86, 97, 125 кг финалистарын сөпкө эппит. Герман Шкулев – 57, 74, 97, 125 кг чемпионнарын сөпкө билгэлээбит. Иван Иванов уонна Николай диэн кыттааччы хас биирдии ыйааһыҥҥа кимнээх бастакы, иккис, үһүс миэстэлэри ылалларын барытын суруйан ыыппыттар. Оттон Алексей Бережнев, Василий, Егор Капитонов, Николай, Валерий Ефремов, Иван Рожин, Евгений Огоюкин эр дьоҥҥо көҥүл тустууга Иран хамаандата бастыа диэбиттэрэ сөп түбэстэ. Егор Бурцев – хамаанданан түмүгү (Иран, Япония, АХШ) сөпкө таайбыт.

Ким төһө очколанна?

Анастасия Алексеева, Герман Шкулев, Николай Иванов, Егор Бурцев – 14

Михаил Максимов, Айсен Молуков, Евгений Огоюкин, Семен Рожин – 13

Василий Алексеев, Надежда Алексеева, Иван Иванов, Алексей Бережнев – 12

Владимир Петров, Стас, Евгений Дьячковскай – 11,

Егор Капитонов, Николай, Ирина – 10

Валериан Петров, Ньургун Оконешников, Андрей Александров, Александр  Дьяконов, Федора Захарова, Иван Рожин, Ирина – 9

Константин Трофимов, Василий, Валерий Ефремов – 8

Егор Клепандин, Вячеслав Филиппов – 7

Тимофей Кононов – 9

Сергей Иванов – 5.

“Дьулурҕан”.