Саха сирин хамаандата бэһис миэстэҕэ иһэр

“Азия оҕолоро” норуоттар икки ардыларынааҕы VIII спортивнай оонньуулар ахсыс күннэрэ түмүктэннэ. Билиҥҥи туругунан Саха сирин бастакы хамаандата 59 мэтээллээх, ол иһигэр 20 кыһыл көмүс, 17 үрүҥ көмүс, 22 боруонса. Онон кэнники күннэргэ тардынан, бэһис миэстэҕэ иһэр.  

От ыйын 3 күнүнээҕи туругунан мэтээллэри ылыы маннык:

1. Сибиирдээҕи ФУо 78 мэтээл (26+24+28)
2. Беларусь Республиката 71 (25+21+25)
3. Москва куорат 59 (22+17+20)
4. Узбекистан Республиката 63 (21+23+19)
5. Саха сирэ-1 59 (20+17+22)
6. Ураллааҕы ФУо 57 (15+21+21)
7. Казахстан Республиката 78 (15+20+43)
8. Дальнай Востоктааҕы ФУо 51 (13+9+29)
9. Таиланд Королевствота 22 (8+9+5)
10. Азербайджан 28 (6+8+14).

Бүгүн, от ыйын 4 күнүгэр хас да көрүҥҥэ мэтээл иһин киирсиилэр буолаллар. Онно биир дойдулаахтарбыт ситиһиилээхтик кытталларыгар, мэтээл ахсаанын эбэн биэрэллэригэр баҕарабыт.

“Дьулурҕан”.