Оптуорунньуктан – бокс

От ыйын 29 – атырдьах ыйын 3 күннэригэр «Кыайыы 50 сыла» Спорт дыбарыаһыгар, Саха сирин боксаҕа федерациятын салайбыт А.И. Федотов кэриэһигэр «А» категориялаах Бүтүн Россиятааҕы турнир ыытыллар.

Бу үгэскэ кубулуйбут күрэхтэһии Саха сирин боксаҕа федерациятын көҕүлээһининэн, Россия спорка министиэристибэтин сыллааҕы ыытар үлэтин былаанын быһыытынан тэриллэр. Турнир сыалынан-соругунан – спорт бу көрүҥэ сайдыытыгар сүҥкэн кылаатын киллэрсибит Александр Иванович Федотов сырдык аатын үйэтитии, спортсменнар таһымнарын үрдэтии уонна алтынньыга Иркутскайга ыытыллар Россия чемпионатыгар бастыҥнары сүүмэрдээһин буолар. Күрэхтэһии эр дьоҥҥо 13 ыйааһыҥҥа ыытыллар.

Турнир программата:

От ыйын 29 күнэ, бэнидиэнньик

12:00-16:00 Күрэхтэһии кыттыылаахтарын бэлиэтээһин.

16:00-18:00 Кыттыылаахтар ыйааһыннаныылара.

19:00-20:00 Сэрэбиэй, бэрэстэбиитэллэр судьуйалары кытта сүбэ мунньахтара.

От ыйын 30 күнэ, оптуорунньук

14:00 Турниры үөрүүлээхтик аһыы, барыллааһын киирсиилэр.

От ыйын 31 күнэ, сэрэдэ

08:00-09:00 Кыттааччылар ыйааһыннаныылара.

14:00 Барыллааһын киирсиилэр.

Атырдьах ыйын 1 күнэ, чэппиэр

08:00-09:00 Кыттааччылар ыйааһыннаныылара.

14:00 Барыллааһын киирсиилэр.

Атырдьах ыйын 2 күнэ, бээтинсэ

08:00-09:00 Кыттааччылар ыйааһыннаныылара.

15:00 Финалга тахсар иһин киирсиилэр.

Атырдьах ыйын 3 күнэ, субуота

08:00-08:30 Кыттааччылар ыйааһыннаныылара.

17:00 Быһаарыылаах киирсиилэр. Кыайыылаахтары наҕараадалааһын.

Кэлэн көрүҥ, бэйэҕит биир дойдулаахтаргытыгар ыалдьыҥ! Киириитэ – босхо.

«Дьулурҕан».