Сонуннар

Лев Павлов финалга таҕыста

Сербия Нови-Сад куоратыгар 20-гэр диэри саастаахтар көҥүл тустууга Европаҕа биирдиилээн бастыыр иһин курэхтэһии ыытылла турар. Бу күрэхтэһиигэ Россия, Беларусь хамаандалара эмиэ кытталлар.

Россия хамаандатын састаабыгар саха тустууга кыһатын икки иитиллээччитэ киирбитэ үөрүүлээх. Ол курдук, быйыл саас Грознайга буолбут дойду сүүмэрдиир күрэхтэһиитигэр кыайыылаахтарынан тахсыбыт Лев Павлов (57 кг) уонна Андрей Мидловец (61 кг) – Россия чиэһин көмүскүүллэр.

Бастакы күн – 57, 65, 70, 79, 97 кг ыйааһыннаахтар туһуннулар. Онуоха Лев Павлов бастаан итальянец Кармин Каяццаны хапсыһыы болдьоҕун иннинэ очукуонан ыраастык (10:0) хотон, күрэхтэһиини кыайыынан саҕалаата. Финал чиэппэригэр күүстээх грузин Нико Зангаладзены 8:7 ахсаанынан баһыйда. Онтон финалга тахсар иһин киирсиигэ уолаттарга Европа күрэхтэһиитин призера армянин Айк Гаспаряны 4:1 кыайда.

Онон финалга уолаттарга (17 саастаахтарга) Европа уонна аан дойду кыайыылааҕа буола сылдьыбыт азербайджанец Васиф Багировы кытта көрсөр буолла.

Андрей Мидловец күрэхтэһиитин бүгүн киэһэ 17:30 чаастан саҕалыыр. Бастакы утарсааччыта – немец.

Бастакы күн финалистара:

57 кг Васиф Баширов (Азербайджан) — Лев Павлов (Россия)

65 кг Абдулла Топрак (Турция) — Адам Архиев (Россия)

70 кг Магомед Байтукаев (Россия) — Александр Гайдарлы (Молдова)

79 кг Дженгизан Доган (Турция) — Саид Сайдулов (Россия)

97 кг Хетаг Карсанов (Азербайджан) — Шахман Нухаев (Россия).

Финаллар биһиги бириэмэбитинэн түүн 01:00 чаастан саҕаланаллар. Уолаттарбытыгар ситиһиилээх тустууну баҕарабыт!

«Дьулурҕан».

Добавить комментарий

Ваш адрес email не будет опубликован. Обязательные поля помечены *

196894
Бүгүн : 267