Сонуннар

Евро-2024 конкурс кыайыылааҕа быһаарылынна

Европа футболга чемпионатыгар сөп түбэһиннэрэн, Петр Гордеев бэлэмнээһининэн конкурс биллэриллибитэ. Барыта 15 ыйытык бэриллибитэ. Хас биирдии ыйытык аннынан үстүү хоруйдар суруллубуттарыттан, биир сөптөөҕүн талан ылыллыахтаах этэ.

Ылан көрдөххө, конкурс ыйытыктара чэпчэки этилэр. Сөптөөх хоруйдар маннык этилэр: Италия, Амансио, Аристиде Гуарнери, Зепп Майер, Карол Добиаш, Хорст Хрубеш, Мануэль Аморо, Йоп Хиле, Рихард Меллер-Нильсен, Юрген Клинсманн, Биксант Лизаразю, Димитриос Пападопулос, Маркос Сенна, Хуанфран, Эдер.

Конкурска бэйэлэрин хоруйдарын ыыттылар: Марианна, Стас, Сергей Л., Гаврил Скрябин, Василий, Константин Стручков. Кинилэргэ барыларыгар улахан махтал!

Кыайыылааҕынан Марианна таҕыста. Кини «Дьулурҕан» өйдөбүнньүк бирииһинэн наҕараадаланыа. Василий диэн кыттааччы сөпкө суруйбут, Евро-2024 ханнык хамаандалар ситиһиилээхтик кыттыбыт хамаандалары билгэлээһиҥҥэ конкурс ыыппатыгыт диэн. Баары баарынан эттэххэ, оннук конкурсу ыытаары хас даҕаны, бириис туруоруон сөптөөх дьону кытта кэпсэтэн баран, хомойуох иһин аккаас ылан, сатаан ыыппатыбыт. Мин баҕам диэн, үчүгэй бириис булан баран, ити викторинаҕа билгэлээһини сыһыаран ыытыы этэ. Хомойуох иһин ол кыаллыбата.

Чэ, спорт олоҕо Европа чемпионатынан бүппэт. Атын түгэннэргэ конкурс ыытыахпыт. Дьулурҕан сайтын кэтии сылдьыҥ.

«Дьулурҕан».

Добавить комментарий

Ваш адрес email не будет опубликован. Обязательные поля помечены *

196897
Бүгүн : 270