«Дьулурҕаҥҥа» «Азия оҕолорун» туһунан

“Азия оҕолоро” норуоттар икки ардыларынааҕы VIII спортивнай оонньуулар күннэрэ күлүм гынан аастылар. Номнуо историяҕа киирдилэр. Кыайыылаахтар ааттара, күүрээннээх күрэхтэһиилэр түгэннэрэ аны уос номоҕор киирэн, кэрэ кэпсээн буолан үйэтийиэхтэрэ.

Ол курдук, бу оонньууларга сырдатааччы быһыытынан үлэлээн – “Дьулурҕан” хаһыакка анал нүөмэрдэри, dzulurgan.ru сайтка 30-ча матырыйаалы (иһитиннэриилэр, хаартыскалар, статистикалар, интервьюлар) суруйан, бэлэмнээн, “Дьулурҕан ютуб каналыгар https://www.youtube.com/@Dzulurgan/featured 20-чэ видеоны, хаһыат телеграм каналыгар t.me/dzulurgan элбэх сонуннары, хаартыскалары, видеолары таһаардым уонна өссө таһаарыам.

Ону сэргээн көрөргүтүгэр, ааҕаргытыгар, эргитэн аҕалан санааҕытын үллэстэргитигэр, сыаналыыргытыгар ыҥырабын. Бу барыта уһун сыллар усталарыгар архыып буолан, ааспыт кэрэ кэмнэри саната турар үлэлэр буолаллар.

Петр Павлов.