Ил Дархан «Азия оҕолоро» оонньуу кыттыылаахтарын кытта көрүстэ

«Азия оҕолоро» норуоттар икки ардыларынааҕы спортивнай оонньуулар сарсын киэһэ үөрүүлээхтик аһыллыахтара. Бэлиэ түгэн 19:00 чаастан Н.Н. Тарскай аатынан «Туймаада» стадиоҥҥа буолуоҕа.

Онтон бүгүн Саха Республикатын Ил Дархана Айсен Николаев Саха сирин сүүмэрдэммит хамаандатын оҕолорун уонна тренердэрин кытта көрүстэ. Биллэрин курдук, Саха сирэ оонньуулары бэлэмнээн уонна тэрийэн ыытарын быһыытынан икки хамаанданы туруорар. Ол курдук, төрөөбүт республикаларын чиэһин 23 оройуонтан 370 эдэр спортсмен көмүскүөҕэ.

Оонньуулары көрсө сиэдэрэйдик киэркэйбит, тупсубут «Өрөгөй» Спорка бэлэмнэнии киинигэр буолбут көрсүһүү сахалыы үгэһинэн алгыһынан саҕаланна. Кырдьык даҕаны, түөрт сылга биирдэ ыытыллар сүдү суолталаах тэрээһин үрдүк таһымнаахтык ыытылларыгар бары баҕарабыт.

Трибунаҕа толору мустубут хамаанда кыттыылаахтарыгар бастаан Саха Республикатын Ил Дархана Айсен Николаев баҕа санаатын тиэртэ:

– Приятно видеть, как наши дети заряжены и настроены на победу. Все они прошли серьёзный отбор и сегодня готовы состязаться с самыми сильными соперниками из зарубежных стран и регионов нашей страны. Для каждого спортсмена защищать честь родной республики и всей России на крупнейших международных соревнованиях – огромная честь и гордость на всю жизнь. Уверен, что “Дети Азии” станут ярким, самым незабываемым событием в жизни наших юных спортсменов!

Пусть “Дети Азии” станут стартом больших достижений в спорте и в жизни! Желаю нашим ребятам успешных стартов, достойных соперников, самых высоких достижений! Мы верим в них! Вперёд – к победам!

Ити курдук, «Азия оҕолоро» оонньууттан үүнэн тахсыбыт биллиилээх спортсменнар: Пекиннээҕи-2008 Олимпиада боруонса призера, Ил Түмэн депутата Георгий Балакшин, икки Олимпиада кыттыылааҕа, СР физическэй култуураҕа уонна спорка министрэ Леонид Спиридонов итиэннэ буолаары турар «Азия оҕолоро» оонньууга Саха сирин сүүмэрдэмит хамаандатын хапытаана Айхаан Кривошапкин үтүө баҕа санааларын тиэртилэр. Төрөөбүт дойдуларыгар ыытыллар оонньууларга ситиһиилээхтик, кыайыылаахтык-хотуулаахтык кытталларыгар баҕардылар.

Петр ПАВЛОВ.

Ааптар хаартыскаҕа түһэриитэ.