Сонуннар

Футболистарбыт икки кыайыылаахтар

«Кыайыы 50 сыла» Спорт дыбарыаһыгар, билигин Германияҕа ыытылла турар Европа футболга чемпионатыгар курдук, сытыы тыҥааһыннаах оонньуулар буола тураллар.

Бүгүн, бэс ыйын 27 күнүгэр Саха сирэ – Сибиирдээҕи ФУо хамаандаларын көрсүһүүлэрэ 16:0 (бастакы түһүмэх 9:0) ахсаанынан, дьиэлээхтэр туһаларыгар түмүктэннэ.

Саха сирин хамаандата маннык састаабынан оонньоото: Илья Гордиенко, Альберт Лукин, Бабур Бейшенов, Глеб Зырянов, Алик Петров, Дьулустан Каженкин, Константин Разин, Данил Номоканов, Владислав Рогов, Кирилл Погодин, Мерген Енденов, Грач Гаспарян (сүрүн тренер Олег Марченко, тренер Айсен Саввин, салайааччы Анатолий Самков).

Зырянов, Рогов 3-түү, Бейшенов, Разин, Номоканов, Гаспарян 2-лии, Каженкин, Погодин 1-дии мээчиги киллэрдилэр.

Кыргызстан – Узбекистаны 3:2, Дальнай Востоктааҕы федеральнай уокурук – Ураллааҕы федеральнай уокуругу 6:0 ахсаанынан кыайдылар.

Санатан эттэххэ, бэҕэьээ бастакы оонньууга Саха сирин хамаандата – Кыргызстан хамаандатын 9:3 (бастакы түһүмэх 4:1) ахсаанынан кыайбыта. Онтон Ураллааҕы федеральнай уокурук – Сибиирдээҕи федеральнай уокурук хамаандатын 8:3 ахсаанынан хоппута.

Оонньуулар эргиир систиэмэтинэн ыытыллаллар.

«Дьулурҕан».

Лина Моякунова хаартыскаҕа түһэриилэрэ.   

 

Добавить комментарий

Ваш адрес email не будет опубликован. Обязательные поля помечены *

196905
Бүгүн : 278