Болҕойуҥ, конкурс! Европа футболга хоруоллара

Билэргит курдук, бэс ыйын 14 күнүттэн Германия куораттарыгар футболга Европа чемпионата ыытыллар. Бу түөрт сылга биирдэ ыытыллар күүтүүлээх күрэхтэһиинэн сибээстээн, футбол фанаттарыгар анаан конкурс биллэрэбит.

1.Европа 1960 сыллааҕы чемпиона Игорь Нетто хос-хос эһэтэ XVIII үйэҕэ Арассыыйаҕа хантан кэлбитэй?

Пруссия, Италия, Эстония.

2.Европа 1964 сыллааҕы чемпиона уонна Испания 9 төгүллээх кыайыылааҕа испанец кимий?

Амансио, Игнасио Соко, Хосеп Фусте.

3.”Стоппер-джентельмен” диэн хос ааттаах итальянец 1968 с. дойдутугар Европа чемпионунан буолбут кимий?

Аристиде Гуарнери, Эрнесто Кастано, Джачинто Факкетти.

4.Мундиаль кыһыл көмүс (1974), үрүҥ көмүс (1966) уонна боруонса (1970) мэтээллэрин ылаттаабыт арҕааҥҥы ньиэмэс 1972 с. Бельгияҕа Европа чемпиона буолбута. Кини кимий?

Пауль Брайтнер, Зепп Майер, Герд Мюллер.

5.Чехословакия футболиһа, Европа 1976 сыллааҕы чемпиона уонна омугунан венгр буолбатах кимий?

Коломан Гёг, Карол Добиаш, Йозеф Модер.

6.Евро-80 финалыгар “дубль” оҥорон ГФР хамаандатын ким бастаппытай?

Карл-Хайнц Румменигге, Бернд Шустер, Хорст Хрубеш.

7.Европа 1984 сыллааҕы чемпиона уонна XXI үйэҕэ Коморскай арыылар хамаандаларыгар тренеринэн үлэлээбит француз кимий?

Мануэль Аморо, Ален Жиресс, Жан Тигана.

8.Биир да матч оонньообокко эрэ Европа 1988 с. чемпионунан буолбут голландец кимий?

Геральд Ваненбург, Вилберт Сюврейн, Йоп Хиле.

9.2014 сыллаахха өлбүт Дания-92 хамаандатыттан Европа чемпиона кимий?

Рихард Мёллер-Нильсен, Торбен Пехник, Ларс Эльструп.

10.Европа чемпионаттарыгар боруонса (1988), үрүҥ көмүс (1992) уонна кыһыл көмүс (1996) мэтээллэри ылаттаабыт немец аата кимий?

Матиас Заммер, Юрген Клинсманн, Томас Хёсслер.

11.Европа 2000 сыллааҕы чемпиона – француз диэбиппит омугунан баск эбит. Ол кимий?

Фабьен Бартез, Биксант Лизаразю, Робер Пирес.

12.1981 сыллаахха Узбекистаҥҥа төрөөбут грек – Евро-2004 кыайыылааҕа кимий?

Димитриос Пападопулос, Георгиос Георгиадис, Юркас Сейтаридис.

13.2008 сыллаахха Испанияттан кыттан Европа чемпиона буолбут бастакы бразилец кимий?

Маркос Сенна, Рубен де ла Ред, Хуанито.

14.Европа 2012 с. чемпиона, билигин Бразилия “Сан-Паулу” кулуубугар оонньуур испанец кимий?

Альваро Арбелоа, Пепе Рейна, Хуанфран.

15.Гвинея Бисауга төрөөбүт Европа 2016 с. чемпиона буолбут португалец кимий?

Седрик, Эдер, Элизеу.

Пётр ГОРДЕЕВ.

Редакцияттан: конкурс ыйытыыларын бэлэмнээбит футбол бэриниилээх ыалдьааччыта, “Дьулурҕан” доҕоро Пётр Гордеевка махтал! Хас биирдии ыйытыы аннынан бэриллэр хоруйдартан сөптөөх диэбиккитин суруйан ыытыҥ. Хоруйдаргытын бу сайтка, бу матырыйаал анныгар баар Комментарийга от ыйын 1 күнүгэр диэри суруйан ыытаҕыт. Атын ханнык да сиргэ суруйбуккут ааҕыллыбат. Кыайыылаах – өйдөбүнньүк бирииһинэн наҕараадаланыаҕа. Хаһан баҕарар буоларыныы, тэҥнэһии түгэнигэр ким бэйэтин хоруйун урут ыыппыт – ол кыайыылааҕынан ааттанар. Чэйиҥ, кытаатыҥ!

“Дьулурҕан”.