Сонуннар

Андрей Бекренев, Ньургун Скрябин БРИКС оонньуутун призердара

Татарстан киин куоратыгар Казаньҥа – БРИКС холбоһугар киирэр дойдулар спорка оонньуулара ыытылла турар. Бэҕэһээ, оонньуу көҥүл тустууга күрэхтэһиитэ түмүктэннэ.

Бу оонньууларга саха тустууга кыһатын икки иитиллээччитэ кытынна. Иккиэн – Беларусь Республикатын чиэһин көмүскүүр опыттаах бөҕөстөр Андрей Бекренев уонна Ньургун Скрябин. Бөҕөстөрбүт бу сырыыга бэйэлэрин бойобуой ыйааһыннарыгар буолбакка, биирдии ыйааһын үөһэ тахсан туһуннулар уонна куһаҕана суох көрдөрүүнү ситистилэр.

Андрей Бекренев (65 кг) ыйааһыныгар аҕыс кыттааччы баара. Ол иһин тустуу финал чиэппэриттэн саҕаламмыта. Андрей бастаан Саибаталовы (Казахстан) кыайан баран, финалга тахсар иһин киирсиигэ азербайджанец Хагвердиевка хотторон кэбиспитэ. Онтон үһүс бириистээх миэстэ иһин тустууга Бразилия бөҕөһүн очконан ыраастык кыайбыта.

Онтон Ньургун Скрябин кыттыбыт 70 кг ыйааьыныгар 9 бөҕөс күөн көрсүбүтэ. Финал чиэппэригэр Ньургун – Афганистан бөҕөһүн хоппута. Финал аҥарыгар россиянин Курбан Шираевка хотторбута. Боруонса мэтээл иһин тустууга казах тустуугун очконан ыраастык кыайбыта.

Онон бөҕөстөрбүт иккиэн бу иннинэ аҕыйаҕа суох ситиһиилэригэр аны БРИКС оонньууларын боруонса мэтээллэрин ылары ситистилэр.

Күрэхтэһии түмүк көрдөрүүтэ:

57 кг: 1. Рамиз Гамзатов (Россия), 2. Нодирбек Жуманазаров (Узбекистан), 3. Димчик Батомункуев (Беларусь).

61 кг: 1. Башир Магомедов (Россия), 2. Сардар Рузимов (Узбекистан), 3. Джейхун Аллахвердиев (Азербайджан).

65 кг: 1. Абасгаджи Магомедов (Россия), 2. Мурад Хагвердиев (Азербайджан), 3. Андрей Бекренев (Беларусь), 3. Даниил Харчилава (Абхазия).

70 кг 1. Курбан Шираев (Россия), 2. Бегиджон Кулдашев (Узбекистан), 3. Ньургун Скрябин (Беларусь), 3. Марат Кокоскерия (Абхазия).

74 кг: 1. Анзор Закуев (Россия), 2. Мурат Джакупов (Казахстан), 3. Джабраил Гаджиев (Азербайджан), 3. Егор Акулич (Беларусь).

79 кг: 1. Магомед Магомаев (Россия), 2. Орхан Аббасов (Азербайджан), 3. Азамат Джиоев (Со5уруу Осетия).

86 кг: 1. Малик Шаваев (Россия), 2. Бабур Исламов (Узбекистан), 3. Алан Зассеев (Со5уруу Осетия), 3. Аркадий Погосян (Беларусь).

92 кг: 1. Алан Багаев (Россия), 2. Шамиль Зубаиров (Азербайджан), 3. Ярослав Ядковскай (Беларусь).

97 кг: 1. Гаджимурад Магомедсаидов (Азербайджан), 2. Рустам Шодиев (Узбекистан), 3. Нургали Нургайпулы (Казахстан), 3. Бады-Маадыр Самдан (Россия).

125 кг: 1. Шамиль Мусаев (Россия), 2. Азамат Зассеев (Со5уруу Осетия), 3. Нурсултан Азов (Казахстан).

“Дьулурҕан”.

Добавить комментарий

Ваш адрес email не будет опубликован. Обязательные поля помечены *

196908
Бүгүн : 281