История

“Советский спорт” хаһыаттан соһуччу булумньу

Биирдэ, “Советский спорт” хаһыаты арыйталаан көрө сылдьан, арай эмискэ, хаһыат 1959 сыл муус устар 16 күнүнээҕи нүөмэригэр биир уруһуйга хараҕым хатана түстэ. Ыйаастыгас, сахаҕа маарынныыр, кыараҕас харахтаах киһи уруһуйдаммыт.

Өйдөөн көрбүтүм, олох да биһиги, сахалар киэн туттар, ытыктыыр киһибит Николай Николаевич Тарскай эбит. Туох эрэ көһүтүллүбэтэҕи, көмүһү булбут курдук, үөрүү, санаа көтөҕүллүүтэ буолла. Уруһуйга маннык быһаарыы суруктаах:

“Окончилось очередное заседание всероссийской учредительной конференции Союза спортивных обществ и организаций. Многие делегаты покинули просторный зал Центарльного дома работников искусств, но кое-кто задержался. Ведь еще так много хочется сказать новым и старым знакомым, узнать, как обстоят дела у них, поведать о своих заботах.

На этом рисунке вы видите один из уголков зала заседаний. Дружеские беседы ведут три делегата конференции, приехавшие из разных уголков России. Слева направо: Н. Тарский (Якутия), В. Бакштанин (Оренбургская область) и В. Манеев, заслуженный мастер спорта (Кемеровская область)». Ким уруһуйа буолара ыйыллыбатах.

Бу да түгэн көрдөрөр, Н.Н. Тарскай хайдах курдук, бэйэтин ылыммыт дьыалатыгар бэриниилээҕин, ханна да, хаһан даҕаны сырыттар, бириэмэтин билиммэккэ барытын быһаарса, үөрэтэ, ырытыһа, билсиһэ сылдьара. Ол да иһин кини, Саха сиригэр спорт уонна физическэй култуура сайдыытыгар элбэх саҥаны, сонуну киллэрдэҕэ.

Уруй буоллун, үтүө киһиэхэ!

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *

186561
Бүгүн : 265