Сонуннар

Сөбүлүүр дьарыктан – улахан успуорка

-Үтүө күнүнэн, Сияна бэйэҥ тускунан кылгастык кэпсээ эрэ.

– Мин аатым Сияна Андреева В.П. Ларионов аатынан Майа орто оскуолатын 11 «а» кылаас үөрэнээччитэ буолабын.

– Бэйэҥ сөбүлүүр дьарыгын эйиигин улахан успуорка хайдах аҕаллай?

-Мин үһүс кылааска үөрэнэ сырыттахпына төрөппүттэрим сабыс-саҥа хаҥкы бэлэхтээбиттэрэ. Онтон ыла хаҥкылыырбын олус сөбүлүүбүн. Хас күһүн, саас аайы хаҥкылыыбын.

– Алдаҥҥа буолбут Саха сирин спорт кыһыҥҥы V спартакиадатыгар кыттыыҥ туһунан сиһилии кэпсээ эрэ.

– Быйыл миэхэ эмискэ эрийэн: «Сияна,  Саха сирин спорт кыһыҥҥы V спартакиадатыгар шорт-трек көрүҥҥэ  кыттыан дуо?», – диэн этии киллэрбиттэрэ. Мин үөрүүнэн сөбүлэспитим. Нэдиэлэҕэ иккитэ Дьокуускай куоракка «Эллэй Боотур» Муус дыбарыаһыгар дьарыктанар этибит. Мэҥэ Хаҥалас хамаандатыгар киирэн, Алдаҥҥа кыттыым миэхэ соһуччу уонна умнуллубат үтүө түгэннэри хаалларда.

– Шорт-трек атын көрүҥ туһунан сиһилии кэпсээ эрэ.

-Шорт-трек атын көрүҥнэргэ холоотоххо саҥа көрүҥ. Олимпийскай оонньууларга 1992 сыллаахха биирдэ киирбит эбит. Бу көрүҥ түргэн ускуораһы, сымса хамсаныылары эрэйэр. Ол иһин киһини эчэйииттэн харыстыыр анал таҥас-сап ирдэнэр. Кевлар матырыйаалтан комбенезон, шлем, наколенник, налокотник, ону таһынан анал атах таҥаһа дьарык кэмигэр булгуччулаах. Биһиги юниоркалар барыта 5 күрэхтэһээччи этибит. Үс көрүҥҥэ кыттан үһүөннэригэр миэстэлэспитим. Ол курдук, 777 миэтэрэ уһуҥҥа – үһүс миэстэ, кылгас дистанцияҕа – иккис миэстэ, 1000 м (1 км)  сүүрүүгэ – иккис миэстэ буолары ситиспитим.

– Инники былааннарын.

– Салгыы бу көрүҥүнэн дьарыктаныахпын баҕарабын. Эһиил устудьуон буоллахпына, күүскэ дьарыктанан аны түөрт сылынан улахан дьоҥҥо кыттыам.

-Эппиэттэргин иһин махтанабын.

Саяра СКРЯБИНА, В.П. Ларионов аатынан Майа орто оскуолата. «Мэҥэбил» пресс-киин корреспондена.

Добавить комментарий

Ваш адрес email не будет опубликован. Обязательные поля помечены *

196895
Бүгүн : 268