Сонуннар

Маннык тэрээһин – кыайыыга кынаттыыр

Үөһээ Бүлүүгэ 63-с төгүлүн улуустааҕы “Үөһээ Бүлүү” хаһыат бирииһигэр чэпчэки атлетикаҕа эстафета буолан ааста. Эстафета аан маҥнай 1961 сыллаахха ыытыллыбыта, дистанциятын уопсай уһуна – 2 км 800 м.

Күрэхтэһии ыытыллар сыала-соруга: чөл олоҕу пропагандалааһын, чэпчэки атлетиканы уонна спортивнай маастарыстыбаны сайыннарыы, күүстээхтэн күүстээх спортсменнары булуу, үүнэр көлүөнэҕэ төрөөбүт дойдуга бэриниилээх буолууну иитии буолар.

Эстафета 3 бөлөҕүнэн ыытыллар, ол курдук: 1-кы бөлөх – сүрүн оскуолалар, 2-с бөлөх – орто оскуолалар, 3-с бөлөх – нэһилиэктэр уонна Үөһээ Бүлүүтээҕи техникум. Аан бастаан улуус дьаһалтатын таас дьиэтигэр мандатнай хамыыһыйа үлэлээбитэ. Онтон  эстафетаны үөрүүлээх арыйыы уонна күрэхтэһии кыттааччыларын парада буолбута. Старт күнүс 12:00 чаастан саҕаламмыта.

Дүллүкү орто сокуолата “Үөһээ Бүлүү” хаһыат бирииһигэр ыытыллар эстафетаҕа көтүппэккэ хаһыс да сылын кыттар. Өрүү инники күөҥҥэ сылдьар. Мин санаабар олус үчүгэйдик, бүтэһигэр диэри күрэхтэстибит.

Сүрүн оскуолаларга: 1-кы миэстэ – Далыр орто оскуолата, 2-с миэстэ – Үөһээ Бүлүүтээҕи М.А. Алексеев аатынан лиссиэй-интэринээт, 3-с миэстэ – Мэйик орто оскуолата.

Орто оскуолаларга: 1-кы миэстэ – Үөһээ Бүлүүтээҕи И.Н. Барахов аатынан 1-кы нүөмэрдээх орто оскуола, 2 -с – миэстэ Дүллүкү орто оскуолата, 3-с миэстэ – Үөһээ Бүлүүтээҕи М.А. Алексеев аатынан лиссиэй-интэринээт.

Нэһилиэктэргэ: 1-кы миэстэ – Үөһээ Бүлүү, 2-с миэстэ – Дүллүкү, 3-с миэстэ – Харбалаах. Ону таһынан стартка аан маҥнайгы аҕалан биэрбит, бастаабыт уолаттарга 10000 тыһ. сертификат туттарбыттара. Сүрүн оскуолаларга Үөһээ Бүлүүтээҕи М.А. Алексеев аатынан лиссиэй-интэринээт үөрэнээччитэ Абрахов Вадим, орто оскуолаларга Дүллүкү орто оскуолатын 10-с кылааһын үөрэнээччитэ Иванов Сергей буоллулар уонна 10000 тыһ. суммалаах сертификатынан наҕараадаланнылар. “Кыайыыга дьулуурун иһин” анал аатынан Д.С. Спиридонов аатынан 4-с нүөмэрдээх орто оскуолатын 9-с кылааһын үөрэнээччитэ Кэскил Васильев наҕараадаланна. Сылын аайы оҕолору кытыннарар физкультура учууталларыгар  уонна тренердэргэ махтал сурук туттардылар.

Күрэхтэһии түмүгүнэн бастыҥтан бастыҥ, күүстээхтэн күүстээх оскуолалар уонна нэһилиэктэр ааттаннылар. Үгэскэ кубулуйан сылтан сыл маннык хабааннаах тэрээһин ыытыллара дьону үөрдэр, кыайыыга кынаттыыр. Саҥаттан саҥа ааттар тахса тураллар. Маннык хабааннаах тэрээһин спордунан үлүһүйэн туран дьарыктанар дьону, спорду таптааччылары түмэр. Өрүүтүн үйэттэн үйэҕэ ыһыктыбакка, сылын аайы ыытылларыгар баҕарабын, хаһыат эрэдээксийэтин үлэһиттэригэр үрдүк ситиһиилэри!

Алина САННИКОВА, “Эрчим” эдэр корреспонденнар постарын чилиэнэ.

Үөһээ Бүлүү.

Добавить комментарий

Ваш адрес email не будет опубликован. Обязательные поля помечены *

196907
Бүгүн : 280