Тус санаа

Тыгын Тойон өйдөбүнньүгүн – Сайсары Эбэҕэ

// Тус санаа

«Азия оҕолоро» оонньуулары көрсө республикабыт киин куоратын киэргэтии, тупсарыы үлэтэ билигин үгэннээн ыытылла турар. Оннук биир үлэнэн Ытык Сайсары Эбэни эргийэ анал хааман дьаарбайар, үгүс сынньанан олорор ыскамыайкалаах, элбэх көҕөрдүүлээх, уотунан сырдатыылаах гына былааннаан оҥоро сылдьаллар.

Улуу Туймаада хочотун Сайсары күөлэ – сахаларга улахан бэлиэ сир. Үһүйээҥҥэ олоҕурдахха, урааҥхай сахалар норуот быһыытынан үөскээһиннэрэ чуо мантан саҕаламмыт. Номох быһыытынан, Сайсары күөлүн таһыгар Тыгын Тойон олорбут уонна манна өлөн, бу сиргэ кистэммит.

Хас да сыллааҕыта араадьыйаҕа, хаҥыл хаҥаластар көҕүлээһиннэринэн номоххо киирбит Тыгын Тойон аатын үйэтитээри анал пааматынньык куттаран оҥорбуттарын туһунан истибиттээхпин. Ол эрээри, ол пааматынньыгы ханна туруорарга санаалар хайдыһан, күн бүгүҥҥэ диэри быһаарылла илик бадахтаах.

Манан сибээстээн, Ытык Сайсары күөлэ саҥалыы сайыннарылларынан – манна олорбутунан уонна кистэммитинэн, Тыгын Тойон ол пааматынньыгын Эбэ көстүүлээх сиригэр туруораллара буоллар диэн этии киллэрэбин. Ону, туһааннаах дьон туох дии саныыллара буолла?

Петр Павлов, суруналыыс.

    

Добавить комментарий

Ваш адрес email не будет опубликован. Обязательные поля помечены *

160225
Бүгүн : 125