Сонуннар

Саха сиригэр бастыыр иһин күрэхтэһии саҕаланна

Хаҥалас улууһун киинэ, Покровскай куорат. Сарсыарда 9 чаастан куораппыт кыракый Спордун дыбарыаһыгар Сахабыт сирин күүстээх мадьынылара өрөспүүбүлүкэҕэ биирдиилээн уонна хамаанданан бастыыр иһин күрэхтэһиилэрэ Гаврил Десяткин – Күүстээх Дэһээккин сырдык кэриэһигэр саҕаланна.

Кылаабынай судьуйа Андрей Сидоров, кылаабынай сэкирэтээр Кэрэчээнэ Николаева күрэхтэһиини саҕалаатылар. Бу чөмпүйэнээккэ 25 хамаанда, 434 мадьыны ол иһигэр 117 дьахтар, 229 эр киһи күөн көрсөр. Мантан 9 бэтэрээн дьахтар уонна 79 бэтэрээн эр дьон үс күн устата күрэхтэһиэхтэрэ.

Хаҥалас улууһа бу чөмпүйэнээти ыытарга күүскэ бэлэмнэммитэ.

Барыл быһыытынан чөмпүйэнээт үөрүүлээх аһыллыыта бүгүн күнүс 12:00 чаастан саҕаланар. Бастакы күн түмүгүнэн эр дьоҥҥо – 60, 70, 80 кг, дьахталларга – 50, 60 кг, бэтэрээн эр дьоҥҥо – 65, 95 кг уонна бэтэрээн дьахталларга – 65 кг кыайыылаахтар быһаарыллыахтара.

Уйбаан УЙГУУРАП.

Ааптар хаартыскаҕа түһэриилэрэ.

Добавить комментарий

Ваш адрес email не будет опубликован. Обязательные поля помечены *

160229
Бүгүн : 129