История

Чаҕылыйбыт Сулус

1960 сыллааха Саха норуотун спартакиадата ыытыллыбыта. Бу күрэхтэһии чэрчитинэн Дьокуускай ипподромугар бэс ыйын 19 күнүгэр 59 сүүрүк аттар 14 сүүрүүгэ ким быһыйын быһаарсыбыттара.

Манна бу күннээҕи ахсыс сүүрүүтүгэр Месяц диэн хара атыыр 1600 миэтэрэни – 1 мүнүүтэ 53,2 сөкүүндэ кэлэн, бастакынан биэтэки ааһан, баайааччытыгар Николай Ситниковка кыайыы өрөгөйүн аҕалбыта. Сүүрдээччи Шишкин диэн программаҕа суруллубут (фото).

Үс хоноот, Месяц аны 3200 миэтэрэҕэ сүүрэн, ол күннээҕи бастыҥ бириэмэни көрдөрөр уонна республика рекордун олохтуур – 3 мүнүүтэ 57,8 сөкүүндэ (фото). Уһуннук сынньаммакка (бэс ыйын 26 күнүнгэр) сүүрүүктэрбит аны үс эргииргэ – 4800 миэтэрэҕэ тахсаллар.

Манна эмиэ Месяц бастыҥ бириэмэни көрдөрөр – 6 мүнүүтэ 01,8 сөкүүндэ.

Дьэ, оччолорго хара алтатыгар сылдьар атыыр баайааччытыгар Николай Ситниковка утуу-субуу үс кыайыыны аҕалбыт. Николай Терентьевич ситиһиитин баар суох киһитэ, тапталлаах кэргэнэ Анастасия Романовна үллэстибитэ. Оччолорго Саха сирин биир бастыҥ ат баайааччы Николай Ситников, кини сүрэҕин аҥара Анастасия Романовна үөрүүлэригэр Орто Халыматтан Николай Захарович уонна Мария Романовна Чукровтар кыттыспыт буолуохтаахтар. Бииргэ төрөөбүттэр Ольга (ийэбинэн эбээм), Анастасия уонна Мария Хаҥалас Нөмүгүтүгэр Ильиннэр дьиэ кэргэҥҥэ төрөөбүттэрэ. Онтон Мария Романовнаны үгүстэр, биһиги аатырбыт тустуукпут Захар Николаевич Чукров ийэтинэн билэллэр.

Михаил Мордовской Михута.

Бэрдьигэстээх, Горнай

Добавить комментарий

Ваш адрес email не будет опубликован. Обязательные поля помечены *

199555
Бүгүн : 471