Бүгүн мэтээл иһин кимнээх тустуохтарай?

Бүгүн, олимпийскай чемпион, ССРС спордун үтүөлээх маастара уонна тренерэ Роман Михайлович Дмитриев кэриэһигэр көҥүл тустууга эдэрдэргэ норуоттар икки ардыларынааҕы турнир иккис күнэ.

Күрэхтэһии бэҕэһээ саҕалаабыт ыйааһыннарга “уоскутар” бөлөх тустууларынан саҕаланна. Итиэннэ бүгүн киэһэ мэтээл иһин кимнээх киирэсллэрэ быһаарылынна. Салгыы күрэхтэһиини уолаттарга 61, 70, 79, 92, 125 кг тустууктар саҕалаатылар.

Быйылгы үбүлүөйдээх турнирга Азербайджан, Армения, Беларусь, Грузия, Индия, Иран, Казахстан, Кыргызстан, Монголия, Узбекистан, Таджикистан, Молдова дойдуларыттан, Амурскай, Кемеровскай уобаластартан, Забайкальскай, Приморскай, Хабаровскай кыраайдартан, Бурятияттан, Иркутскайтан, Москваттан, Красноярскайтан, Санкт-Петербургтан, Тываттан уонна Россия сүүмэрдэрдэммит хамаандатыттан, Саха сириттэн барыта 265 спортсмен күөн көрсөр.

Иккис күн «уоскутар» бөлөх түмүгүнэн турнир боруонса мэтээлин иһин тустар буоллулар:

57 кг Дьулус Петров – Николай Захаров (иккиэн – Саха сирэ)

57 кг Игнатий Дареев (Иркутскай) – Юрий Винокуров (Саха сирэ)

65 кг Кежик Ооржак (Тыва) – Юлиан Григорьев (Саха сирэ)

65 кг Василий Григорьев (Саха сирэ) – Данил Боднар (Красноярскай)

74 кг Аганазар Новрузов (Азербайджан) – Андрей Румянцев (Саха сирэ)

74 кг Иннокентий Бабаранов (Саха сирэ) – Али Дукаев (Дагестан)

86 кг Вадим Чеботарь (Амурскай уобалас) – Размик Еремян (Армения)

86 кг Борис Гаврильев (Саха сирэ) – Жамсаран Каркунов (Бурятия)

97 кг эргиир систиэмэтэ.

Финаллар:

57 кг Халид Магомедов (Дагестан) – Лев Павлов (Саха сирэ)

65 кг Андраник Аветисян (Армения) – Адам Архиев (Чечня)

74 кг Асхаб Хаджиев (Казахстан) – Тамир Ешинимаев (Бурятия)

86 кг Димчикдорж Тумурбаатар (Монголия) – Реза Сулейманиан (Иран).

Бу хапсыһыылар уонна үһүс миэстэ иһин киирсиилэр бүгүн киэһэ 18:00 чааска ыытыллаллар.

«Дьулурҕан».