Сонуннар

Бүгүн Алдаҥҥа туох буоларый?

Бүгүн, кулун тутар 25 күнүгэр сүрүннээн, спартакиадаҕа кыттааччылары бэлиэтээһин – мандат, аккредитация хамыыһыйаларын үлэлэрэ, тэрийэр хамыыһыйа мунньаҕа буолаллар. Спортсменнар номнуо кэлэн, күрэхтэһиэхтээх сирдэрин үөрэтэ, билэ-көрө, бастакы эрчиллиини ыыта сылдьаллар.

Кулун тутар 25 күнүгэр күнүс 15 чаас 30 мүн. оскуолаҕа – элбэх оҕолоох дьиэ кэргэттэри, Алданнааҕы спортивнай оскуола иитиллээччилэрин суһал байыаннай дьайыыга сылдьааччылар дьиэ кэргэттэрин кытта көрсүһүү тэриллэр.

Киэһэ 17:00 чаастан спортивнай оскуолаҕа Саха сирин спорт кыһыҥҥы көрүҥнэригэр V спартакиадатын пресс-конференцията буолуоҕа.

Онтон дьэ сарсыҥҥыттан күрэхтэһиилэр саҕаланаллар: хайаттан хайыһарынан түһүү, хайыһарынан сүүрүү, кыһыҥҥы многоборье, спортивнай ориентирование уонна шорт-трек көрүҥнэригэр барыллааһын күрэхтэһиилэр.

Спартакиаданы үөрүүлээхтик аһыы күнүс 14:00 чаастан былааннанан турар.

Ол барытын туһунан УлусМедиа, Дьулурҕан сайтарыттан ааҕан билиэххитин-көрүөххүтүн сөп.

«Дьулурҕан».

Добавить комментарий

Ваш адрес email не будет опубликован. Обязательные поля помечены *

160241
Бүгүн : 141