Сонуннар

Төрөөбүт төрүт тылбыт күнүн чэрчитинэн

Чурапчы. “Уран тыл сүмэтин ыймахтаан, суруйар-бичийэр дьоҕурдаах” диэн “Саха Республикатын үөрэҕириитин туйгуна”, “Урожай” ФСО Бочуоттаах үлэһитэ, Саха Республикатын физкультура уонна спорт сайлыытыгар үтүөлэрин иһин бэлиэ хаһаайына, РФ Спорка Министерствотыттан Бочуотунай грамоталаах, “Улуус сайдыытыгар үтүөтүн иһин” бэлиэлээх, институппут преподавателин, наставнигын Виктор Семенович Дьяконов республикабытыгар физическэй культура уонна спорт 100 сылынан таһаартарбыт “Чурапчы – бу дьоллоох түһүлгэ” диэн Чурапчыбыт спортсменнара, тренердэрэ, салайааччылара республикаҕа спорт сайдыытыгар кылааттарын туһунан уонна 2021 с. таһаартарбыт “Чэгиэн кэскил туһугар” диэн Чурапчы улууһун физкультураҕа учууталларыгар анаабыт, 2018 с. тахсыбыт “Чурапчы – спорт туоната” үлэлэспит кинигэлэрин учуутал, тренер буолуохтаах 1-кы, 2-с курспут студеннарыгар билиһиннэрдибит.

Кинигэлэр ырытыыларын оҥорбут коллегабытыгар, улуустааҕы кииннэммит библиотека специалиһыгар Марфа Николаевна Кузьминаҕа, кыттыыны ылбыт коллегаларбытыгар, философия билимин кандидатыгар, РФ, Саха Республикатын журналистарын союһун чилиэнигэр, преподавательбытыгар Егор Гаврильевич Винокуровка, ТМФК кафедратын преподавателыгар Николай Николаевич Сивцевкэ, ОИТ специалиһыгар Владислав Георгиевич Федоровка, студсовет председателигэр Петр Соловьевка, солбуйааччыларыгар Алиса Бехтюеваҕа, Виктор Семенович суруйбут “Сааскы ырыа” ырыатын толорбут Дмитрий Обутовка (Саха Республикатын үтүөлээх артыыһа, Анастасия Готовцева ыллыыр ырыата) барҕа махтал!

Олимпийскай чемпиоммут, депутаппыт Павел Павлович Пинигин – институппут ФО, СПО студеннарын, Д.П. Коркин аатынан ЧРССИОР кини аатын сүгэр этэрээт 8-с кылааһын үөрэнээччилэрин, тренердэрбитин кытта көрүстэ.

Надежда ЗАХАРОВА.

Чурапчы.

Добавить комментарий

Ваш адрес email не будет опубликован. Обязательные поля помечены *

160224
Бүгүн : 124