Сонуннар

Оҕолорбут саҥа оонньуулары баһылыахтара

Бүгүн инбэлииттэр уопсатыбаларын, физическэй култуура уонна маассабай спорт сайдыытын киинин, оҕо спортивнай оскуолатын салалтата көҕүлээһининэн доруобуйаларынан хааччахтаах оҕолор ортолоругар “корнхолга” улуустааҕы күрэхтэһии буолла.

Оҕолорго бастакы күрэхтэһиигэ Бэрдьигэстээхтэн уонна Кировскайтан кытыннылар. Эдэр спортсменнар үс бөлөххө арахсан кииристилэр. Түмүккэ, 1-2 кылаас үөрэнээччилэригэр – I миэстэни Георгий Неустроев, II Мирослав Неустроев, III Эрика Кривошапкина ыллылар.

5-8 кылаас үөрэнээччилэригэр – I миэстэҕэ Игорь Кириллов, II Андриан Алексеев, III Андрей Колодезников, 9-11 кылаастарга – I Кеша Михайлов таҕыстылар.

Күрэхтэһии муҥутуур кыайыылааҕынан Игорь Кириллов буолла.

Тэрийээччилэр оҕолору спорка көҕүлүүр туһуттан, саҥа кэлбит «новус», «кульбутт», «джакколо», «шаффлборд» оонньулары көрдөрбүттэрин, быраабылатын билиһиинэрбиттэрин бэркэ сэҥээрдилэр. Инникитин күрэхтэһиилэргэ кыттар баҕа санаалаахтарын эттилэр.

Вячеслав Алексеев. Горнай.

Добавить комментарий

Ваш адрес email не будет опубликован. Обязательные поля помечены *

136669
Бүгүн : 178