Сонуннар

Көҥүл тустууга Европа чемпионатыгар

Румыния киин куоратыгар, спортивнай тустууга Европа 2024 сыллааҕы чемпионата ыытыллан түмүктэннэ.

Бухарест көбүөрүгэр саха тустууга кыһатыттан 4 спортсмена кытынна: Арыйаан Тютрин уонна Андрей Бекренев Беларусьтан, Владимир Егоров Хотугу Македонияттан уонна Севиль Назарова Россияттан. Хомойуох иһин, спортсменнарбыт табыллыбатылар, эрдэ хотторон туораан хааллылар.

Арыйаан Тютрин (57 кг) Азербайджантан тустар Ислам Базаргановка 4:6 ахсаанынан хоттордо. Европа экс-чемпиона Владимир Егоров бу сырыыга 61 кг туһунна уонна азербайджанец Нураддин Новрузовка 4:8 ахсаанынан сабырыттарда. Онтон Андрей Бекренев (61 кг) – Арман Элояны (Франция) 6:2 хотон баран, болгарин Георгий Вангеловка 1:3 ахсаанынан хотторон кэбистэ.

Өссө дьахталлар тустууларыгар Севиль Назарова кытынна, кинини бэйэтин ыйааһыныгар буолбакка, 62 киилэҕэ туһуннардылар. Онуоха Молдова кыыһыгар хоттордо.

Россия хамаандата визатыгар табыллыбакка, ситэтэ суох састаабынан кытынна. Онон 57 кг (Заур Угуев) уонна 97 кг (Абдулрашид Садулаев) ыйааһыннарга киһитэ суох кыттан, 2 кыһыл көмүс, 1 үрүҥ көмүс уонна 2 боруонса мэтээли ылары ситистэ. Россиялары тэҥэ Албания, Болгария, Венгрия, Словакия, Беларусь, Греция, Азербайджан хамаандаларыттан кыттыбыт, Россия тустууга кыһатын барбыт 17 бөҕөс мэтээлгэ тигистэ. Бу да көрдөрүү, Россия тустууга күүстээҕин итэҕэтэр.

Чемпионат түмүк көрдөрүүтэ:

57 кг: 1. Арсен Арутюнян (Армения), 2. Мухаммед Каравус (Турция), 3. Камиль Керимов (Украина), Роберти Дингашвили (Грузия).

61 кг: 1. Абасгаджи Магомедов (Россия), 2. Зелимхан Абакаров (Албания), 3. Нураддин Новрузов (Азербайджан), Межлум Межлумян (Армения).

65 кг: 1. Ислам Дудаев (Албания), 2. Гаджимурад Рашидов (Россия), 3. Андре Кларк (Германия), Али Рахимзада (Азербайджан).

70 кг: 1. Арман Андреасян (Армения), 2. Акакий Кемертелидзе (Грузия), 3. Рамазан Рамазанов (Болгария), Исмаил Мусукаев (Венгрия). …Исраил Касумов (Россия).

74 кг: 1. Таймураз Салказанов (Словакия), 2. Сонер Демирташ (Турция), 3. Туран Байрамов (Азербайджан), Имам Ганишов (Россия).

79 кг: 1. Ахмед Усманов (Россия), 2. Магомедхабиб Кадимагомедов (Беларусь), 3. Автандил Кенчадзе (Грузия), Франк Чамизо (Италия).

86 кг: 1. Даурен Куруглиев (Греция), 2. Майлз Амин (Сан-Марино), 3. Осман Гочен (Турция), Арсений Джиоев (Азербайджан), 5. Арслан Багаев (Россия).

92 кг: 1. Фейзулла Актюрк (Турция), 2. Борис Макоев (Словакия), 3. Магомед Курбанов (Россия), Мириани Майсурадзе (Грузия).

97 кг: 1. Гиви Мачарашвили (Грузия), 2. Магомедхан Магомедов (Азербайджан), 3. Владислав Байцаев (Венгрия), Ибрагим Чифчи (Турция).

125 кг: 1. Таха Акгюль (Турция), 2. Гено Петриашвили (Грузия), 3. Ален Хубулов (Болгария), Георгий Мешвилдишвили (Азербайджан). …Алихан Жабраилов (Россия).

Хамаанданан түмүк: 1. Турция, 2. Грузия, 3. Азербайджан.

«Дьулурҕан».

Добавить комментарий

Ваш адрес email не будет опубликован. Обязательные поля помечены *

160238
Бүгүн : 138