Дьоһун ситиһии!

Саха сирин гректии-римнии тустааччылара Хабаровскайга ыытыллыбыт Дальнай Восток федеральнай уокуругун 21-гэр диэри саастаахтарга күрэхтэһиитигэр 4 киһи кыттан – түөрт мэтээли ылары ситистилэр.

Хамаанда кылаабынай тренерэ Матвей Матвеев биһиэхэ биллэрбитинэн, Дальнай Восток чемпионнарынан буоллулар: Федор Устинов (63 кг), Станислав Павлов (72 кг), Андрей Слепцов (130 кг). Онтон Семен Стручков (60 кг) боруонса мэтээлинэн наҕараадаланна.

Манна даҕатан эттэххэ, Станислав Павлов уонна Андрей Слепцов гректии-римнии тустууга Россия спордун маастарын нуорматын толордулар.

Тустууктарбытын уонна кинилэр тренердэрин эҕэрдэлиибит! Уолаттар бары Р.М. Дмитриев аатынан Олимпийскай эрэл училищетын иитиллээччилэрэ.

Бу ситиһиинэн тренердэр – СР физическэй култуураҕа уонна спорка министрэ Леонид Спиридоновка, СР спортивнай тустууга федерациятын вице-президенэ Дмитрий Ушницкайга, Р.М. Дмитриев аатынан Олимпийскай эрэл училищетын, «Өрөгөй» спорка бэлэмнэнии киинин бары үлэһиттэригэр, уолаттар төрөппүттэригэр, быраастарга, массажистарга, повардарга – барҕа махталларын тиэрдэллэр.

«Дьулурҕан».