Сонуннар

Бэһис туур түмүгүнэн кимнээх бастаан иһэллэрий?

Дьокуускай. Республикатааҕы Дуобат-саахымат киинигэр Россия үтүөлээх тренерэ Н.Н. Кычкин кэриэһигэр 100 харахтаах дуобакка Бүтүн Россиятааҕы XIII турнир ыытыллыбыта иккис күнэ.

Билиҥҥитэ биэс туур оонньонно. Онуоха сүрүн бөлөххө Красноярскайтан спорт маастара Игорь Павлов 9 очукуолаах бастаан иһэр. Кини 4 кыайыылаах, 1 тэҥнэһиилээх.

Онтон спорт маастардара Сандаара Апросимова уонна Чаҕыл Заровняев 8-тыы очукуолаахтар. Кинилэргэ тилэх баттаһан гроссмейстердар Наталия Шестакова, Гаврил Колесов, Айгуль Идрисова (Башкортостан), спорт маастара Василий Кычкин, маастарга кандидат Прокопий Говоров, гроссмейстердар Матрена Ноговицына, Ксения Нахова, маастарга кандидат Ариан Константинов бары 7-лии очукуолаах эккирэтэн иһэллэр.

Бу бэһис туурга биир сүрүн киирсиигэ гросммейстердэр М.Ноговицына – А.Идрисова көрсүһүүлэрэ тэҥнэһиинэн түмүктэннэ.

Сүрүн бөлөххө барыта 52 киһи кыттар.

Санатан эттэххэ, Бүтүн Россиятааҕы турнир олунньу 24 күнүгэр түмүктэнэр.

«Дьулурҕан».

Добавить комментарий

Ваш адрес email не будет опубликован. Обязательные поля помечены *

201748
Бүгүн : 31