Сонуннар

Ярыгин-2024: Тютрин уонна Потапов финал аҥарыгар таҕыстылар

Красноярскай. «Иван Ярыгин Кубога» спортивнай тустууга норуоттар икки ардыларынааҕы турнир бастакы күнэ түмүктэнэн эрэр. Эр дьоҥҥо бүгүн саҕалаабыт үс ыйааһыҥҥа финал аҥарыгар кимнээх тусталлара билиннэ.

Саха тустууга кыһатыттан Беларусь чиэһин көмүскүүр Арыйаан Тютрин (57 кг) – тувин А.Чамзыны, узбек Н.Жуманазаровы уонна бэйэтин киһитэ А.Авеловы кыайталаан, финалга тахсар иһин тустууга олимпийскай чемпион, дагестанец Заур Угуевы кытта тустар буолла.

Аҕыйах кэм иһигэр Д.Миндиашвили аатынан Бүтүн Россиятааҕы турнир уонна Н.Тарскай кэриэһигэр Саха Республикатын чемпионатын кыайыылаахтара Айсен Потапов (70 кг) эмиэ үс утарсааччытын хотон баран, финал аҥарыгар Европа экс-чемпиона, дагестанец Курбан Шираевтыын киирсиэҕэ.

Спортсменнарбыт кэнники тустуулара:

50 кг Александра Карамзина – М.Мунхбат (Монголия) ыраас хотторуу

55 кг Севиль Назарова – О.Баянмунх (Монголия) – +

57 кг Арыйаан Тютрин – Александр Авелов 4:2

61 кг Андрей Мидловец – Б.Магомедов (Дагестан) 0:12

70 кг Олег Фомин – А.Кудзоев (Хотугу Осетия) 4:6

70 кг Айсен Потапов – У.Умаров (Дагестан) 3:1.

Финалга тахсар иһин киирсиэхтэрэ:

57 кг

Завур Угуев (Дагестан) — Арыйан Тютрин (Беларусь)

Ахмед Идрисов — Муса Мехтиханов (иккиэн — Дагестан)

61 кг

Абасгаджи Магомедов (Дагестан) — Сардор Рузимов (Узбекистан)

Башир Магомедов — Муслим Мехтиханов (иккиэн — Дагестан)

70 кг

Иналбек Шериев (Москва уоб.) — Алан Кудзоев (Хотугу Осетия)

Айсен Потапов (Саха сирэ) — Курбан Шираев (Дагестан).

Бу тустуулар уонна дьахталларга киирсиилэрин кэннилэриттэн, биһиэннэриттэн салгыы чопчу кимнээх тусталларын билиэхпит. Биһиги сайтпытын кэтээн көрө сылдьыҥ.

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *

137665
Бүгүн : 129