Сонуннар

Анатолий Филиппов бирииһигэр

Покровскайдааҕы Спорт дыбарыаһыгар ССРС спордун норуоттар икки ардыларынааҕы кылаастаах спордун маастара Анатолий Филиппов бирииһигэр республика 15-16 саастаах уолаттарыгар республикаҕа бастыыр иһин күрэхтэһии ыытылла турар.

Бу күрэхтэһии, аны сайын ыытыллар «Азия оҕолоро» норуоттар икки ардыларынааҕы спортивнай оонньууларга Саха сирин хамаандатын састаабын сүүмэрдиир сыаллаах.

Күрэхтэһиигэ 19 хамаандаттан 133 эдэр боксёр кыттар. Ордук элбэх кыттааччыны Дьокуускай, Хаҥалас, Ньурба хамаандалара аҕалбыттар. Рингэҕэ киирсиилэр барыта 14 ыйааһыҥҥа – 44, 46, 48, 50, 52, 54, 57, 60, 63, 66, 70, 75, 80 уонна 80-тан үөһэ кг ыытыллаллар.

Бастакы күн барыта 23 киирсии ыытылынна. Онуоха Александр Сидоров (Таатта, 44 кг), Артур Ноговицын (Кэбээйи, 46 кг), Игорь Назаров (Таатта, 46 кг), Дамир Борисов (Дьокуускай, 48 кг), Сергей Труфанов (Мирнэй, 63 кг) утарсааччыларын аһара баһыйан, киирсиини болдьоҕун иннинэ кыайдылар.

Бүгүн рингэҕэ 28 киирсии ыытыллар. Күрэхтэһии тохсунньу 27 күнүгэр түмүктэнэр.

«Дьулурҕан».

 

Добавить комментарий

Ваш адрес email не будет опубликован. Обязательные поля помечены *

137684
Бүгүн : 148