Сонуннар

Виктор Захаров кэриэһигэр боксаҕа республикатааҕы турнир

Ахсынньы 11-15 күннэригэр Чурапчы сэлиэнньэтигэр А.И. Федотов аатынан спорт киинигэр боксаҕа ССРС спордун маастарыгар кандидат, РСФСР икки төгүллээх призера, Волгоградскай уобалас, Саха АССР хас да төгүллээх чемпионнара, сахалартан бастакы дипломнаах тренер, республикаҕа, Чурапчы улууһугар бокса сайдыытыгар үгүс үтүөлээх Виктор Дмитриевич Захаров кэриэһигэр уолаттарга турнир буолла.

Турнирга республика 12 улууһуттан барыта 102 спортсмен кыттыыны ылла. Сунтаар курдук ыраах улуустан тиийэ кэлбиттэр. Араас спортивнай кулууптарга дьарыктанааччылар бааллар.

Рингэҕэ саҥа үктэммиттэртэн 5-6 сыл дьарыктанан уопутурбут боксердар кииристилэр. Кыралар 1-дии мүнүүтэлээх 3 раунд охсуспут буоллахтарына, убайдара 1,5 мүнүүтэлээх, 3-түү мүнүүтэлээх рауннарга сырыттылар. Сыралаах, улахан долгутуулаах, ыһыылаах-хаһыылаах киирсиилэр буоллулар.

Түмүккэ 2015-2016 сс. төрүөхтэргэ 30 кг Эрчим Никитин, 36 кг Контвар Сыроватскай (Мэҥэ-Хаҥалас), 2013-2014 сс. төрөөбүттэргэ 30 кг Чаҕыл Собакин (Чурапчы, Хадаар), 34 кг Уран Попов (ДЮСШ-1, Дьокуускай), 42 кг Андрей Прокопьев (Чурапчы) бастаатылар.

2011-2012 сс. төрүөхтэргэ чемпионнарынан 28 кг АликТищенко (Уус Алдан), 30 кг Сулустан Протопопов (Уус Алдан), 32 кг Арылхан Каратаев (Марха), 34 кг Өркөн Татаринов (Уус Алдан), 36 кг  Даниэль Адамов (Марха), 40 кг Максим Собакин ( Чурапчы), 44 кг Арчылан Николаев (Уус Алдан), 46 кг Айаал Яковлев (Хаҥалас), 48 кг Руслан Гайдай (Сунтаар), 62 кг Ярослав Аммосов (Хаҥалас) буоллулар.

2009-2010 сс. төрүөх уолаттарга 38 кг Петр Лукин (Мэҥэ Хаҥалас), 40 кг Артур Герасимов (“Панчер” с. к.), 46 кг Дмитрий Власов (ДЮСШ-5, Дьокуускай), 57 кг Евгений Сивцев (Чурапчы) бастаатылар.

2007-2008 сс. 44 кг Дархан Григорьев (Мэҥэ Хаҥалас), 48 кг Андрей Федоров (ДЮСШ-5), 52 кг Максим Федотов (УОР), 54 кг Игорь Федоров (Чурапчы), 63,5 кг Сергей Павлов (Мэҥэ Хаҥалас) чемпионнарынан буоллулар.

2005-2006 сс. төрүөх уолаттарга 57 кг Алексей Петров (Чурапчы), 60 кг Феликс Федоров (Чурапчы) бастаатылар.

Кыргыттарга 52 кг Нарыйана Сивцева, 60 кг Снежана Сивцева (чурапчылар) кыайыылааҕынан буоллулар.

Чемпионнар, бириистээх миэстэни ылбыттар мэтээлинэн, грамотанан наҕараадаланнылар.

Элбэх боксер анал номинацияҕа тигистэ. Турниры тэрийиигэ актыыбынайдык үлэлээбиттэргэ Махтал суруктар туттарылыннылар.

Алексей Слепцов.

Чурапчы.

Добавить комментарий

Ваш адрес email не будет опубликован. Обязательные поля помечены *

186562
Бүгүн : 266