Сонуннар

Артур Пахомов кэриэһигэр күрэхтэһиигэ ыҥырабыт

Ахсынньы 19-23 күннэригэр «Өрөгөй» Спорка бэлэмнэнии киинигэр Россия уонна Саха сирин үтүөлээх тренерэ Артур Иннокентьевич Пахомов кэриэһигэр 15-16 саастаах уолаттарга боксаҕа Бүтүн Россиятааҕы аһаҕас турнир ыытыллар.

Бастакытын тэриллэр күрэхтэһиигэ Алтайтан, Бурятияттан, Иркутскайтан, Новосибирскайтан, Приморскай, Пермьскэй кыраайдартан, Санкт-Петербургтан, Тываттан, Челябинскайтан, Амурскай уобаластан, Красноярскайтан, Хабаровскайтан, Монголияттан уонна Саха сириттэн барыта 13 ыйааһыҥҥа – 92 эдэр спортсмен күөн көрсүө.

Күрэхтэһии бочуоттаах ыалдьыттарынан олимпийскай чемпионнар Шамиль Сабиров уонна Александр Поветкин буолуохтара.

Бүгүн, күрэхтэһии бастакы күнүгэр 11 киирсии ыытыллыа.

Турнир программата

Ахсынньы 19-21 күннэрэ

15:00 Барыллааһын киирсиилэр.

Ахсынньы 22 күнэ. Бээтинсэ

15:00 Финалга тахсар иһин киирсиилэр.

Ахсынньы 23 күнэ. Субуота

14:00 Финаллар.

«Дьулурҕан».  

Добавить комментарий

Ваш адрес email не будет опубликован. Обязательные поля помечены *

186576
Бүгүн : 280